ត្បូងឃ្មុំ: បង្ក្រាបករណីរក្សាទុក ជួញដូរដោយខុសច្បាប់នូវសារធាតុញៀនដែលកម្លាំងជំនាញនៃអធិការដ្ឋាននគរបាលស្រុកមេមត់ បានធ្វើការឃាត់ខ្លួនជនសង្ស័យ ០១ នាក់និងថ្នាំម្សៅក្រាមសង្ស័យជាសាធាតុញៀនចំនួន១៦កញ្ចប់ (ធំ០១កញ្ចប់)។
នៅថ្ងៃទី១៩ ខែធ្នូ ឆ្នាំ២០១៦ វេលាម៉ោង១៥:១០ នាទី កម្លាំងជំនាញ ប្រឆាំងគ្រឿងញៀននៃអធិការដ្ឋាននគរបាលស្រុកមេមត់បានធ្វើការឃាត់ខ្លួន ឈ្មោះ ថុង ស៊ាងហេន ភេទប្រុស អាយុ ២៨ ឆ្នាំ សញ្ញាតិជាតិខ្មែរ រស់នៅភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ នៅចំណុច រោងចាំចំការកៅស៊ូ ស្ថិតនៅខាងកើតភូមិកំពាន់ ឃុំកំពាន់ ស្រុកមេមត់ ខេត្តត្បូងឃ្មុំ ។
ក្នុងនោះសមត្ថកិច្ចបានឆែកឆេររកឃើញនូវម្សៅក្រាមពណ៍សសង្ស័យថាថ្នាំញៀនចំនួន ១៥ កញ្ចប់តូច និង ០១ កញ្ចប់ធំ ដែលលាក់ទុកក្នុងកញ្ចប់បារីកាំបូ បញ្ចូនកាន់អធិការដ្ឋាននគរបាលស្រុកមេមត់ដើម្បីធ្វើការសាកសួរ ។
បច្ចុប្បន្នជំនាញប្រឆាំងគ្រឿងញៀននៃអធិការដ្ឋាននគរបាលស្រុកមេមត់ បានកសាងសំណុំរឿងបញ្ចូនទៅកាន់សាលាដំបូងខេត្តត្បូងឃ្មុំ ដើម្បីផ្តន្ទាទោសតាមនីតិវិធីច្បាប់ ៕
មតិយោបល់