ភ្នំពេញៈ សេចក្ដីរាយការណ៍នៅព្រឹកនេះ បានឲ្យដឹងថា សមាជិកក្រុមប្រឹក្សាខណ្ឌសង្កាត់របស់គណបក្សសង្គ្រោះជាតិ ប្រមាណជា៣០នាក់ បាននាំគ្នាមកប្រមូលផ្ដុំ នៅមុខសាលាដំបូងរាជធានីភ្នំពេញ ក្នុងគោលបំណងឃ្លាំមើល ការសាកសួររបស់សាលាដំបូងរាជធានី ទៅលើមន្ត្រីអង្គការសង្គមស៊ីវិល៤រូប និងអគ្គលេខាធិការរងគណៈកម្មាធិការជាតិរៀបចំការបោះឆ្នោត (គ.ជ.ប) គឺលោក នី ចរិយា។

រហូតមកដល់ម៉ោងជិត១២ថ្ងៃត្រង់នេះ សេចក្ដីរាយការណ៍បន្តថា សកម្មជនទាំងនោះ នៅកំពុងប្រមូលផ្តុំគ្នាដដែល ហើយសមត្ថកិច្ចក៏មិនបានបង្កការរំខានណាមួយដល់ពួកគេដែរ៕