រតនគិរីៈ បុរសវ័យចំណាស់ម្នាក់ បានរងរបួសធ្ងន់ ខណៈដែលគាត់កំពុងដើរសុខៗ ស្រាប់តែមានម៉ូតូគ្រឿងបុកពេញទំហឹងតែម្ដង។ ហេតុការណ៍គ្រោះចរាចរណ៍នេះ បានកើតឡើងកាលពីវវេលាម៉ោង៦និង២០នាទីយប់ថ្ងៃទី ២ ខែមករា ឆ្នាំ២០១៧ នៅត្រង់ចំណុចផ្លូវភូមិខ្មែង ឃុំប៉ូយ ស្រុកអូរជុំ ខេត្តរតនគិរី។

ម្ចាស់ម៉ូតូមានឈ្មោះ តាកាវ ស្រឿន ភេទប្រុស អាយុ២០ឆ្នាំ ជនជាតិគ្រឹង មានទីលំនៅភូមិស្វាយ ឃុំប៉ូយ ស្រុកអូរជុំ ខេត្តរតនគិរី។ ចំណែកជនរងគ្រោះឈ្មោះ កិ ជួន ភេទប្រុស អាយុ៦៥ឆ្នាំ ជនជាតិគ្រឹង មុខរបរកសិករ មានទីលំនៅភូមិខ្មែង ឃុំប៉ូយ ស្រុកអូរជុំ ខេត្តរតនគិរី។

បច្ចុប្បន្ន​ជនរងគ្រោះ ត្រូវបានក្រុមគ្រួសារដឹកយកទៅសង្គ្រោះបន្ទាន់នៅមន្ទីរពេទ្យខេត្ត៕