រតនគិរីៈ កម្លាំងនគរបាលរដ្ឋបាលសង្កាត់បឹងកន្សែង សហការជាមួយកម្លាំងអធិការនគរបាលក្រុងបានលុង ចេញល្បាតនៅចំណុចភូមិអូរកន្ទិល សង្កាត់បឹងកន្សែង ក្រុងបានលុង កាលពីវេលាម៉ោង១២និង៤០នាទីរំលងអធ្រាត្រចូល​ថ្ងៃទី៤ ខែមករា ឆ្នាំ២០១៧ ​បានប្រទះឃើញមុខសញ្ញាគ្រឿងញៀន​២នាក់ ក៏បានធ្វើការឃាត់ខ្លួន បញ្ជូនមកកាន់អធិការនគរបាលក្រុងបានលុង ដើម្បីធ្វើការសាកសួរ។

មន្រ្តីនគរបាលក្រុងបានលុង បានឲ្យដឹងថា ជនសង្ស័យ២នាក់ ទី១.ឈ្មោះ កឺត លីង ភេទប្រុស អាយុ១៨ឆ្នាំ ជនជាតិគ្រឹង មានទីលំនៅបច្ចុប្បន្ន ភូមិក្រឡូង ឃុំល្អក់ ស្រុកអូរជុំ មុខរបរមិនពិតប្រាកដ និងទី២.ឈ្មោះ សាន គុយ ភេទប្រុស អាយុ១៩ឆ្នាំ ជនជាតិខ្មែរ មានទីលំនៅបច្ចុប្បន្ន ភូមិត្រចង ឃុំអូរជុំ ស្រុកអូរជុំ មុខរបរមិនពិតប្រាកដ។

ក្រោយការសាកសួរ និងធ្វើតេស្តទឹកនោមបឋមពីកម្លាំងជំនាញការិយាល័យគ្រឿងញៀនខេត្តបានរកឃើញថា ពួកគេពិតជាបានប្រើប្រាស់គ្រឿងប្រាកដមែន។

បច្ចុប្បន្នជនសង្ស័យ ត្រូវបានធ្វើការអប់រំណែនាំ និងធ្វើកិច្ចសន្យា រួចប្រគល់ឲ្យអាណាព្យាបាលយកទៅអប់រំបន្ថែម៕