កណ្តាល: យ៉ាងហោចណាស់ជនសង្ស័យម្នាក់ត្រូវបានសមត្ថកិច្ច ឃាត់ខ្លួន ឯម្នាក់ទៀតគេចខ្លួនបាត់ ករណីចេកចាយគ្រឿងញៀន ហេតុការណ៍នេះបានកើតឡើងថ្ងៃទី០៤ ខែមករា ឆ្នាំ២០១៧ វេលាម៉ោង១២ និង​ ៣០នាទីចំណុចភូមិកោះប្រាក់ ឃុំភូមិធំ ស្រុកកៀនស្វាយខេត្តកណ្តាល។

បើតាមលោកយឹម សុខុម នាយប៉ុស្តិ៍ភូមិធំ បានឲ្យដឹងថាកម្លាំងផ្នែកប្រឆាំងគ្រឿងញៀនស្រុកកៀនស្វាយនិងបានសហការជាមួយកម្លាំងប្រឆាំងគ្រឿងញៀនស្រុកល្វាឯមចុះបង្គ្រាបមុខសញ្ញាចែកចាយគ្រឿងញៀន ឃាត់ខ្លួនជនសង្ស័យម្នាក់ក្នុងចំណោមបក្ខពួក០២នាក់។

លោកយឹម សុខុម បានបន្តថាជនសង្ស័យមានឈ្មោះ រុន សុភក្តិ ភេទប្រុស អាយុ២៦ឆ្នាំ(ឃាត់ខ្លួន)មុខរបរកម្មករនិងរស់នៅភូមិឃុំកើតហេតុនិងម្នាក់ទៀតមានឈ្មោះជា តារា ហៅចិន ភេទប្រុសអាយុ២៦ឆ្នាំ(គេចខ្លួន)និងរស់នៅភូមិឃុំជាមួយគ្នាមុខរបរមិនពិតប្រាកដ។
លោកនាយប៉ុស្តិ៍ភូមិធំ បន្តទៀតថាសមត្ថកិច្ច ធ្វើការដកហូតបានម៉ូតូ០២គ្រឿង ក្នុងនោះមាន ៖ទី១.ម៉ាកស្កុបពី ពណ៌សលាយក្រហមខៀវពាក់ស្លាកលេខភ្នំពេញ១BS.៦៣.៩១ទី២.ម៉ាកស្មាស់វីពណ៍ខ្មៅពាក់ស្លាកលេខតាកែវ.១H ២៦.៣៨។

លោកថានៅមុនពេលកើតហេតុខាងលើកម្លាំងផ្នែកប្រឆាំងគ្រឿងញៀនដោយបានទទួលបញ្ចាពីលោកប៉ា សំអិត អធិការស្រុកកៀនស្វាយ បានសហការជាមួយកម្លាំងប្រឆាំងគ្រឿងស្រុកល្វាឯម ចុះបង្គ្រាបមុខសញ្ញាពាក់ពន្ធ័ករណីគ្រឿងកាលពីថ្ងៃទី០៣ ខែមករា ឆ្នាំ២០១៧ នៅត្រង់ចំណុចកំពង់ដកោះរះ ភូមិកោះរះលើ ឃុំកោះរះ ស្រុកល្វាឯម ខេត្តកណ្តាល បានឃាត់ខ្លួនជនសង្ស័យម្នាក់ទៀតឈ្មោះរុន សុភក្តិ ចំណែកឈ្មោះតារា ហៅចិន បានគេចខ្លួន។
លោកប៉ា សំអិត អធិការស្រុក មានប្រសាសន៍ថាចំពោះជនសង្ស័យខាងលើបានប្រគល់ជូនទៅសមត្ថកិច្ចនគរបាលស្រុកល្វាឯមបន្តនិតិវិធីច្បាប់៕