កណ្តាលៈ បុរសវ័យចំណាស់ម្នាក់បត់ម៉ូតូមិនមើលក្រោយក៏ត្រូវរថយន្តទូរីសបុកពីក្រោយពេញទំហឹង បណ្តាលឲ្យស្លាប់ភ្លាមៗនិងកន្លែងកើតហេតុ នាវេលាម៉ោង ៨:៣០នាទីថ្ងៃទី០៦ឧសភា២០១៦ នៅផ្លូវជាតិលេខ៨ ភូមិវិហារសួគ៍ត្បូរ ឃុំវិហារសួគ៍ ស្រុកខ្សាសច់កណ្តាល ខេត្តកណ្តាល។

សមត្ថកិច្ចឲ្យដឹងថា បុរសដែលស្លាប់មានឈ្មោះ សយ សុខា អាយុ ៥៤ឆ្នាំ បើកម៉ូតូក្នុងទិសដៅពីត្បូងទៅកើត លុះ ដល់ចំណុចខាងលើក៏បត់មិនមើលក្រោយទើបត្រូវរថយន្តទូរីស ស្លាកលេខ ភ្នំពេញ ២A ៨៥ ៤៨ បើកបរដោយឈ្មោះ អឿ ពិសី ភេទប្រុស អាយុ២៩ឆ្នាំ ចាប់ហ្វ្រាងមិនទាន់ក៏បុកស្លាប់តែម្តង។

ក្រោយកើតហេតុសមត្ថកិច្ចជំនាញចរាចរណ៍ចុះទៅធ្វើការវាស់វែង ប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី ដោយឡែកមធ្យោបាយយកទៅរក្សាទុកនៅអធិការដ្ឋានស្រុក៕