បន្ទាយមានជ័យ: យ៉ាងហោចណាស់ជនបរទេសជាង១០នាក់បានរត់គេចរួចផុតជីវិតខណះរថយន្តទូរីសមួយគ្រឿងត្រូវបានឆេះខ្ទេច​នៅលើកំណាត់ផ្លូវជាតិលេខ៥ ត្រង់ចំនុចខាងកើតសាលាក្រហមស្ថិតក្នុងខេត្តបន្ទាយមានជ័យ​។​ នេះបើតាមការបញ្ជាក់ពីលោក អាត់ខែម ស្នងការខេត្ត។​

លោកថា រថយន្តនេះគឺធ្វើដំណើរចេញពីក្រុងប៉ោយប៉ែត ឆ្ពោះទៅកាន់ខេត្តសៀមរាប ហើយករណីឆេះនេះគឺផ្តើមពីការទុះសេខ្សែភ្លើង ។ពេលកើតហេតុ កម្លាំងនគរបាលពន្លត់អគ្គីភ័យបានប្រើប្រាស់រថយន្តពន្លត់អស់មួយគ្រឿង តែរថយន្តនោះឆេះទាំងស្រុង៕​