ភ្នំពេញ:ក្រសួងធនធានទឹក និងឧតុនិយមបានប្រកាសថា ភ្លៀងនឹងបន្តធ្លាក់ចុះពីមធ្យមទៅច្រើននៅរាជធានីភ្នំពេញ និងតាមបណ្ដាខេត្តមួយចំនួន ចាប់ពីថ្ងៃទី១៣ ដល់ថ្ងៃទី១៧ ខែមករា ឆ្នាំ២០១៧នេះ ដូច្នេះសូមឲ្យក្រសួងស្ថាប័ន អាជ្ញាធរដែនដី និងសាធារណជនបង្កើនការប្រុងប្រយ័ត្ន និងយកចិត្តទុកដាក់ខ្ពស់ចំពោះជំនន់ទឹកភ្លៀង ដែលនឹងអាចកើតឡើង។
ដោយសម្ពាធទាបនេះ នឹងវិវត្តទៅជាវិសម្ពាធ ឬព្យុះទី១ឈ្មោះMUIFA ហើយនៅយប់ថ្ងៃទី ១៣ ខែមករា វានឹងធ្វើដំណើរមកដល់ក្បែរឆ្នេរភាគអាគ្នេយ៍ប្រទេសវៀតណាម។
បើតាមសេចក្តីជូនដំណឹងរបស់ក្រសួងធនធានទឹក បានឲ្យដឹងនៅថ្ងៃទី១១ ខែមករា នេះថា
១-រាជធានីភ្នំពេញ ខេត្តស្វាយរៀង ព្រៃវែង ត្បូងឃ្មុំ កំពង់ចាម កណ្ដាល កំពង់ស្ពឺ និងខេត្តតាកែវ អាចនឹងមានភ្លៀងធ្លាក់ពីមធ្យមទៅច្រើ ចាប់ពីយប់ថ្ងៃទី១៣-១៦ ខែមករា ឆ្នាំ២០១៧។
២-ខេត្តកំពង់ឆ្នាំង កំពង់ធំ ពោធិ៍សាត់ បាត់ដំបង សៀមរាប និងខេត្តបន្ទាយមានជ័យ អាចនឹងមានភ្លៀងធ្លាក់ពីតិចទៅមធ្យម ចាប់ពីថ្ងៃទី១៤-១៦ ខែមករា ឆ្នាំ២០១៧។
៣-ខេត្តកំពត កែប ព្រះសីហនុ និងមួយផ្នែកនៃខេត្តកោះកុង អាចនឹងមានភ្លៀងធ្លាក់ពីមធ្យមទៅច្រើន ចាប់ពីថ្ងៃទី១៣-១៧ ខែមករា ឆ្នាំ២០១៧៕
មតិយោបល់