ភ្នំពេញៈ រថយន្តឡិចស៊ិស RX៣៣០មួយគ្រឿង ត្រូវបានគេយកមក​ចតចោលនៅលើផ្លូវអស់រយៈពេល៣យប់៤ថ្ងៃហើយ មិនឃើញម្ចាស់មកយកសោះ ដោយមានការសង្ស័យ ទើបពលរដ្ឋរាយការណ៍ប្រាប់សមត្ថកិច្ច បង្កការភ្ញាក់ផ្អើលតែម្ដង។

ហេតុការណ៍ភ្ញាក់ផ្អើលខាងលើនេះ បានកើតឡើងកាលពីវេលាម៉ោង៩ព្រឹកថ្ងៃទី១២ ខែមករា ឆ្នាំ២០១៧ ស្ថិតតាមបណ្តោយផ្លូវបេតុង ភូមិព្រៃព្រីងខាងត្បួងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

រថយន្តស៊េរីទំនើប ដែលត្រូវគេយកមក​ចតចោលនេះ ម៉ាកឡិចស៊ីស RX៣៣០ពណ៌ស ពាក់ស្លាកលេខ ភ្នំពេញ 2C-5264។

ប្រភពព័ត៌មានពីប្រជាពលរដ្ឋបានឲ្យ​ដឹងថា នៅមុនពេលកើតគាត់បានឃើញនារីម្នាក់ អាយុប្រហែល២៣ឆ្នាំ មិនស្គាល់ឈ្មោះបានយករថយន្តខាងលើមកចតចោលនៅកន្លែងកើតហេតុខាងលើតាំតែពីម៉ោង១០ព្រឹកថ្ងៃទី៩ ខែមករា មកម្ល៉េះ ដោយមិនឃើញយករថយន្តទៅណាឡើយ​ ហើយទ្វារផ្ទះចាក់សោជាប់រហូតតាំតែពីថ្ងៃទី១០ ខែមករា ទើបមកដល់​ថ្ងៃកើតហេតុ ពលរដ្ឋមានការសង្ស័យក៏រាយការណ៍ប្រាប់សមត្ថកិច្ចតែម្តង។

ពេលសមត្ថកិច្ចមកដល់កន្លែងកើតហេតុ ក៏មិនហ៊ានឆែកឆេរមើល​ក្នុងរថយន្តភ្លាមៗនោះដែរ ដោយបានរាយការណ៍ជូនថ្នាក់លើសុំការសម្រេចពីថ្នាក់លើសិន៕

https://youtu.be/SetZckoBNhc