ស្ទឹងត្រែងៈ បុរសម្នាក់ ត្រូវកម្លាំងមូលដ្ឋានក្រុងស្ទឹងត្រែងឃាត់ខ្លួន បន្ទាប់ពីរូបគេចាប់បង្ខាំងប្រពន្ធអស់រយៈពេលជាង៤៨ម៉ោងកាលពីថ្ងៃទី១៤ ខែមករា ឆ្នាំ២០១៧ ត្រង់ចំណុចសាលារៀន៤មករា ភូមិកណ្ដាល សង្កាត់ស្ទឹងត្រែង ខេត្តស្ទឹងត្រែង។
សមត្ថកិច្ចបានឲ្យដឹងថា ជនសង្ស័យជាប្តីមានឈ្មោះខេន លីហុង ភេទប្រុស អាយុ៣៥ឆ្នាំ ជនជាតិខ្មែរ មុខរបរបើកបរ ផ្ទះនៅភូមិកំពង់ក្របី ឃុំក្រគរ ស្រុកកំពង់សៀម ខេត្តកំពង់ចាម។ ចំណែកប្រពន្ធមានឈ្មោះ ផាត សុឈៀក ភេទស្រី អាយុ២៧ឆ្នាំ ជនជាតិខ្មែរ មុខរបរមេផ្ទះ ផ្ទះនៅភូមិលើ សង្កាត់ស្រះឫស្សី ក្រុងស្ទឹងត្រែង។
សមត្ថកិច្ចបានបន្តទៀតថា ជនសង្ស័យ និងប្រពន្ធ ទើបលែងលះគ្នាបានរយៈពេល៣ខែ(ត្រឹមភូមិឃុំ) ដោយបុរសជាប្ដីចិត្តមិនដាច់ពីប្រពន្ធ ទើបធ្វើសកម្មភាពចាប់ប្រពន្ធទៅបង្ខាំងទុកក្នុងផ្ទះដំណាក់ ដើម្បីផ្សាំស្នេហ៍ជាថ្មី។
ក្រោយពីទទួលបានព័ត៌មាននៅវេលាម៉ោង១១ថ្ងៃត្រង់ កម្លាំងកងរាជអាវុធហត្ថខេត្ត បានចុះស្រាវជ្រាវបង្ក្រាបនៅក្នុងផ្ទះសំណាក់ “ហេងជីវ៉ារ” រហូតដល់ម៉ោង៥និង៣០នាទីថ្ងៃដដែល ទើបឃាត់ខ្លួនជនសង្ស័យតែម្ដង ព្រមទាំងដកហូតមួយគ្រឿងផងដែរ។ បច្ចុប្បន្នជនសង្ស័យ កម្លាំងជំនាញកំពុងធ្វើការសាកសួរតាមនីតិវិធី៕
មតិយោបល់