រតនគិរីៈ យុវជនពីរនាក់ រងការឆេះរោលពីអណ្តាតភ្លើងម៉ាស៊ីនកាណូត ខណៈពួកគេយកដែកកេះ ទៅកេះបំភ្លឺមើលក្រែងអស់សាំង ឬយ៉ាងណា? ស្រាប់តែឆាបឆេះជាអណ្ដាតភ្លើងតែម្តង។
ហេតុការណ៍ខាងលើនេះ បានកើតឡើងកាលពីវេលាម៉ោង១១និង៣០នាទីយប់ថ្ងៃទី១៤ ខែមករា ឆ្នាំ ២០១៧ ស្ថិតក្នុងភូមិប៉ាកកាឡាន់ ឃុំវុើនសៃ ស្រុកវុើនសៃ ខេត្តរតនគិរី ។
សមត្ថកិច្ចមូលដ្ធានបានឲ្យដឹងថា យុវជនរងគ្រោះទាំងពីរនាក់ ទី១មានឈ្មោះ ហែល សុី ភេទប្រុស អាយុ១៨ឆ្នាំ ជនជាតិឡាវ មុខរបរជាកសិករ រងរបួសធ្ងន់ធ្ងរ និងទី២-ឈ្មោះ ប៑ុន សាយណយ ភេទប្រុស អាយុ១៦ ឆ្នាំ ជនជាតិឡាវ មុខរបរជាកសិករ រងរបួសស្រាល អ្នកទាំងពីររស់នៅភូមិកើតហេតុ ។
បច្ចុប្បន្នជនរងគ្រោះទាំងពីរនាក់ ត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យបង្អែកខេត្ត ដើម្បីសង្គ្រោះបន្ទាន់៕
មតិយោបល់