ភ្នំពេញ៖ បុរសម្នាក់បន្ទាប់ពីផឹកស្រាស្រវឹងហើយក្លែមសម្តី រួចឃើញយុវជនម្នាក់ទៀតជិះម៉ូតូមកឈប់និយាយក្បែរនោះហើយហៅបង្ខំឲ្យផឹកស្រាជាមួយពេលគេមិនព្រមផឹកទារឲ្យគេទិញស្រាបៀរឲ្យកន្លះកេះ ក៏ត្រូវយុវជននោះបានទាញមួកសុវត្ថិសវាយបែកក្បាលតែត្រូវគេវាយវិញឡើងហើមមុខត្រូវសមត្ថកិច្ចចាប់យកមកប៉ុស្តិ៍សួរនាំ។
ហេតុការណ៍នេះបង្កឲ្យមានការណ៍ភ្ញាក់ផ្អើលកាលពីវេលាម៉ោង៧យប់ថ្ងៃទី១៧ ខែមករាឆ្នាំ ២០១៧ នៅចំណុចមុខផ្សារត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ។
សមត្ថកិច្ចបានឱ្យដឹងថាជនរងគ្រោះឈ្មោះហា សុឃឹម ភេទប្រុសអាយុ៣០ឆ្នាំ មុខរបរជាងសំណង់ ស្នាក់នៅជិតវត្តត្រពាំងកសាង សង្កាត់កាកាប ខណ្ឌពោធិ៍សែនជ័យ។ ចំណែកជនបង្ករឈ្មោះប៉ាវ ភេទប្រុសអាយុ៤៣ ឆ្នាំ មុខរបរត់ម៉ូតូឌុប។
សមត្ថកិច្ចបានឱ្យដឹងថានៅពេលកើតហេតុបុរសបង្កខាងកំពុងអង្គុយផឹកស៊ីមានគ្នា២នាក់អស់ស្រាថ្នាំ១លីត ខណ:ពេលនោះមានយុវជនរងគ្រោះខាងលើបានជិះម៉ូតូមកហើយឈប់នៅក្បែរនិយាយទូរស័ព្ទ ពេលនោះជនបង្ករក៏បានហៅយុវជនខាងលើថាមកដាក់មួយកែវដោយយុវជនរូបនោះឆ្លើយថាខ្ញុំអត់ចេះផឹកទេ ហើយស្រាប់តែជនបង្ករចុះទាញដៃហើយសំឡុតថាបើមិនផឹកទិញស្រាឲ្យកន្លះកេស ហើយពោលពាក្យថាហែងឬកម្លេះ រួចទាញ់មួកសុវត្ថិភាពវាយជនរងគ្រោះមួយមួកបែកមុខហូរឈាមជោកខ្លួនបង្ករឱ្យមានការភ្ញាក់ផ្អើល វាយទៅវាយមកទើបបណ្តាយឱ្យរបួសទាំងសងខាងតែម្តងត្រូវសមត្ថកិច្ចឃាត់ខ្លួនទាំងជនបង្ករនិងជនរង
គ្រោះមកប៉ុស្តិ៍ចោមចៅដើម្បីសួរនាំតែម្តង៕
មតិយោបល់