ប៉ៃលិន: បុរសវ័យចំណាស់ម្នាក់ បានលង់ទឹកស្រះស្លាប់ ខណ:រូបគាត់ផឹកស្រាស្រវឹងជោកជាំ។ សាកសពបុរសខាងលើ ត្រូវបានប្រទះឃើញកាលពីវេលាម៉ោង៧និង៣០នាទីថ្ងៃទី២៣ ខែមករា ឆ្នាំ២០១៧ នៅចំណុចក្នុងស្រះទឹកក្បែរផ្ទះ ស្ថិតក្នុងភូមិព្រៃសន្ទះ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
ជនរងគ្រោះឈ្មោះ ស ថា ភេទប្រុស អាយុ៥១ឆ្នាំ មុខរបរកសិករ រស់នៅភូមិឃុំកើតហេតុខាងលើ។ មូលហេតុ គឺជនរងគ្រោះផឹកស្រាស្រវឹង បានដើរធ្លាក់ចូលក្នុងស្រះទឹក បណ្តាលឲ្យលង់ទឹកស្លាប់។
តាមការធ្វើកោសលវិច័យរបស់សមត្ថកិច្ចជំនាញបានឲ្យដឹងថា ជនរងគ្រោះពិតជាបានស្លាប់ ដោយសារលង់ទឹកស្រះស្លាប់ពិតប្រាកដមែន។ បច្ចុប្បន្នសាកសព ត្រូវបានក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់