ព័ត៌មានជាតិ

ធ្វើសន្តិសុខមិនសូវកាក់កប រពិសដៃលួចទូរសព្ទដៃជាប់ខ្នោះ

ភ្នំពេញ: បុរសជាសន្តិសុខហាងម្នាក់ ត្រូវបានកម្លាំងនគរបាលប៉ុស្តិ៍ផ្សារដើមថ្កូវធ្វើការឃាត់ខ្លួន ក្រោយពីរូបគេបានធ្វើសកម្មភាពលួចយកទូរសព្ទដៃម៉ាក Iphone6 មួយគ្រឿង ខណ:​ពេល​ដែលស្ត្រី​ម្នាក់ដាក់សាកថ្មលើតុក្បាលដំណេក ហើយរូបគេធ្វើសកម្មភាពលួចយកទៅលាក់ទុកក្នុងហោប់ៅខោ ហើយម្ចាស់គេទាន់ចាប់ប្រគល់ឲ្យសមត្ថកិច្ចតែម្ដង។

ការឃាត់ខ្លួននេះ បានធ្វើឡើកាលពីវេលាម៉ោង២និង១៥នាទីរសៀលថ្ងៃទី២៤ ខែមករា ឆ្នាំ ២០១៧ នៅចំណុចផ្ទះលេខ៧៩៩ ផ្លូវព្រះមុនីវង្ស ក្នុងសង្កាត់ផ្សារដើមថ្កូវ ខណ្ឌចម្ការមន រាជធានីភ្នំពេញ។

តាមប្រភពព័ត៌មានពីនគរបាលម្នាក់បានប្រាប់ឱ្យដឹងថា ជនសង្ស័យមានឈ្មោះ យ៉ែម សុខលីន អាយុ២៣ឆ្នាំ សន្តិសុខហាង ស្នាក់នៅផ្ទះជួលគ្មានលេខ ផ្លូវលេខ៤៩០ ក្នុងសង្កាត់ផ្សារដើមថ្កូវ ខណ្ឌចម្ការមន។

ប្រភពដដែលបានបន្តថា មុនពេលកើតហេតុ ស្រ្តីរងគ្រោះបានដាក់ទូរសព្ទដៃម៉ាក Iphone6 ពណ៌ខ្មៅមួយគ្រឿងរបស់ខ្លួនសាកថ្មនៅលើតុក្បាលដំណេកក្នុងផ្ទះ ដោយដេកលក់មួយស្របក់ភ្ញាក់ឡើងរកទូរសព្ទមិនឃើញ ក៏បានឃើញបុរសជាជនសង្ស័យឈរនៅខាងមុខផ្ទះ ក៏ស្រែកសួរហើយជនសង្ស័យក៏ដកយកចេញពីហោប៉ៅខោឲ្យ​វិញ ប៉ុន្តែត្រូវម្ចាស់ចាប់ខ្លួនប្រគល់ឲ្យ​កម្លាំងនគរបាលប៉ុស្តិ៍ផ្សារដើមថ្កូវតែម្តង។

ក្រោយពេលកើតហេតុ ទូរសព្ទដៃម៉ាក Iphons6 មួយគ្រឿងនោះ ត្រូវបានប្រគល់ឲ្យ​ទៅស្រ្តីជាជនរងគ្រោះវិញ ចំណែកឯបុរសជាជនសង្ស័យ ត្រូវបាននាំខ្លួនយកទៅធ្វើការសាកសួរ និងកំណត់​ហេតុ ដើម្បីបញ្ជូនខ្លួនទៅកាន់អធិការដ្ឋាននគរបាលខណ្ឌចម្ការមនចាត់ការទៅតាមផ្លូវច្បាប់ជាបន្តទៅទៀត៕

មតិយោបល់