ព្រះសីហនុៈ ​កាលពីម៉ោង១និង២៥នាទីរសៀលថ្ងៃទី២៦ ខែមករា ឆ្នាំ២០១៧ មានករណីអគ្គិភ័យមួយឆេះមួយខ្នង ស្ថិតនៅក្នុងភូមិគរគី ឃុំបិតត្រាំង​ ស្រុកព្រៃនប់ ខេត្តព្រះសីហនុ។

ផ្ទះមួយខ្នង ដែលត្រូវអគ្គិភ័យឆេះទាំងស្រុងទំហំ 6×7 ម៉ែត្រធ្វើអំពីឈើ ប្រក់ប្រូស៊ីម៉ង់ត៍ មាន​ម្ចាស់ឈ្មោះ តី បូ​រូ ភេទប្រុស អាយុ៣៦ឆ្នាំ បណ្តាលឲ្យ​ផ្ទះ និងសម្ភារៈប្រើប្រាស់ក្នុងផ្ទះ​ឆេះអស់ទាំងស្រុង។

តាមការបញ្ជាក់ឲ្យ​ដឹងពីសមត្ថកិច្ច និងប្រជាពលរដ្ឋនៅជិតកន្លែងកើតហេតុបានឲ្យដឹងថា មូលហេតុ គឺឈ្មោះ តី បូរូ ដែលជាម្ចាស់ផ្ទះជាអ្នកដុតរួចរត់គេចខ្លួនបាត់៕

https://youtu.be/G0HY6wCE4Jg