កណ្តាល: មួយថ្ងៃប៉ុណ្ណោះនគរបាលក្រុងតាខ្មៅ ដែលដឹកនាំដោយដោយលោកវរសេនីយ៍ ស៊ឹម ប៊ុតបណ្ឌឹត អធិការក្រុងតាខ្មៅ និងលោកវរសេនីយ៍ ចំរើន បញ្ញា អធិការរងក្រុងតាខ្មៅ ក្រោមការបញ្ជារដ៍ម៉ឺងម៉ាត់ពីឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកកណ្តាល បានចុះប្រតិបត្តិការណ៍បង្ក្រាបមុខសញ្ញាចែកចាយគ្រឿងញៀន និងក្រុមប្រើប្រាស់គ្រឿងញៀនបាន០៥នាក់ រួមនិងថ្នាំញៀនជាច្រើនកញ្ចប់។
ហេតុការណ៍បង្ក្រាបនេះ គឺតែមួយថ្ងៃប៉ុណ្ណោះគឺថ្ងៃទី២៦ ខែមករា ឆ្នាំ២០១៧ នៅចំណុចបន្ទប់ជួល ក្នុងភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល។
បើតាមលោកវរសេនីយ៍ ស៊ឹម ប៊ុតបណ្ឌឹត អធិការក្រុងតាខ្មៅបានប្រាប់អោយដឹងថា មុខសញ្ញាចែកចាយគ្រឿងញៀនមានឈ្មោះខាន់ ចាន់ណាឡែន ភេទ ប្រុសអាយុ២២ឆ្នាំ ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល
មុខរបរមិនពិតប្រាកដ។ វត្ថុតាងដកហូតរួមមាន ក្រាមពណ៌សថ្លាសង្ស័យ សារធាតុញៀន (ទឹកកក) ចំនួន១៥កញ្ចប់ (តូច ១៣និង កញ្ចប់ធំ២) ម៉ូតូម៉ាកSCOOPY (ម៉ីនី) ទូរសព្ទ័មួយគ្រឿងម៉ាកLG និងសំភារ:សំរាប់វិចខ្ចប់មួយចំនួនទៀត។
រីឯក្រុមប្រើប្រាស់គ្រឿងញៀនមាន០៤នាក់ ទី១.ឈ្មោះ ភឹម ចាន់ថន ភេទប្រុស អាយុ២៧ឆ្នាំ មានទីលំនៅបច្ចុប្បន្ន ភូមិត្រពាំងឈូកឃុំព្រែកគយ ស្រុកស្អាង ខេត្តកណ្តាល មុខរបរមិនពិតប្រាកដ ទី២.ឈ្មោះ យ៉ាន ណាវី ភេទស្រីអាយុ ៣៧ឆ្នាំជាម្ចាស់បន្ទប់ជួល ក្នុងភូមិព្រែកសំរោង១សង្កាត់តាខ្មៅ ក្រុងតាខ្មៅ ខេត្តកណ្តាល ដែលមាន ស្រុកកំណើតក្នុងភូមិអូរ ឃុំពេជ្រចិន្តា ស្រុកបវិល ខេត្តបាត់ដំបង មុខរបរមិនពិតប្រាកដ ទី៣.ឈ្មោះ ពិន ម៉ាណានីកា ភេទស្រី អាយុ២០ឆ្នាំ មាន
ទីលំនៅបច្ចុប្បន្នក្នុងភូមិព្រែកឡុង សង្លាត់តាក្តុល ក្រុងតាខ្មៅ ខេត្តកណ្តាល
មុខរបរមិនពិតប្រាកដ និងទី៤.ឈ្មោះ ហ៊ា ចាន់នី ភេទប្រុស អាយុ៣០ឆ្នាំ មានទីលំនៅបច្ចប្បន្នក្នុងភូមិព្រែកសំរោង១ ក្រុងតាខ្មៅ ខេត្តកណ្តាល។
វត្ថុតាងចាប់រួមមាន ទូរសព្ទ័ចំនួន៤គ្រឿង iPhone៥មួយគ្រឿង Sony Erisson ពណ៌ឈាមជ្រូកមួយគ្រឿង SAMSUNG ពណ៌សមួយគ្រឿង HUAWEI ពណ៌សមួយគ្រឿង ម៉ូតូ HONDA ម៉ាកMOOVE១គឿង ពាក់ស្លាកលេខភ្នំពេញ1FB-4095។
លោកអធិការបានបញ្ជាក់ថា ករណីគ្រឿងញៀននេះ ត្រូវបានជនអាណាមឹកម្នាក់រាយការណ៍តាមទូរសព្ទ័ មកថាមានក្មេងៗបួនទៅប្រាំនាក់ កំពុងតែជក់ថ្នាំញៀននៅក្នុងបន្ទប់ជួលដែលស្ថិតនៅក្នុងភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល។ នៅពេលទៅដល់ក៏បានឃើញដូចការ រាយការណ៍នោះមែន ហើយឈ្មោះខាន់ ចាន់ ណាឡែន នៅទីនោះដែរ។
តាមចម្លើយសារភាព របស់ឈ្មោះ ខាន់ ចាន់ណាឡែន ថាថ្នាំនេះពិតជារបស់ខ្លួនមែន ដោយបានទិញពីឈ្មោះ នី (ភេទទី៣) នៅភូមិ លេខ១ (ភូមិយួន) ឃុំស្វាយរលំ ស្រុកស្អាង ខេត្តកណ្តាល។ ហើយខ្លួនបានប្រព្រឹត្តអំពើនេះអស់រយៈពេលយូរឆ្នាំមកហើយ។ បច្ចុប្បន្នសមត្ថកិច្ចកំពុងតែបំពេញនីតិវិធីបញ្ជូនជនសង្ស័យទាំង៥នាក់ ទៅកាន់តុលាការ។
គួរបញ្ជាក់ថា ឈ្មោះខាន់ ចាន់ណាឡែន នេះមានដីការចាប់ខ្លួនលេខ៤២១ ច.ដ.ខ ចុះថ្ងៃទី០៨ ខែកញ្ញា ឆ្នាំ២០១៦ របស់ចៅក្រមស៊ីបសួរ គឹម ម៉េង ពីបទជួញដូរដោយខុសច្បាប់នូវសារធាតុញៀន៕
មតិយោបល់