ព្រៃវែង: សាកសពបុរសម្នាក់ ត្រូវបានគេប្រទះឃើញអណ្តែតទឹកកាលពី​ថ្ងៃទី២៩ ខែមករា ឆ្នាំ២០១៧ នៅចំណុចបឹងប្រថ្ម ស្ថិតភូមិត្រស់ ឃុំជៃកំពក ស្រុកព្រះស្ដេច ខេត្តព្រៃ (ខាងកើតភូមិចម្ងាយ200ម៉ែត្រ)។

សាកសពគេមិនស្គាល់អត្តសញ្ញាណ ភេទប្រុស អាយុប្រហែល៣០ឆ្នាំ។

ក្រោយកើតហេតុ​សមត្ថកិច្ចបានចុះពិនិត្យធ្វើកោសលវិច័យបញ្ជាក់ថា សពពុំឃើញស្លាកស្នាមអ្វី ដែលពាក់ព័ន្ធនឹងអំពើឃាតកម្ម។ សមត្ថកិច្ចសន្និដ្ឋានថា ជាមនុស្សវិកលចរិត ហើយលង់ទឹកស្លាប់ពិតប្រាកដមែន។

បច្ចុប្បន្ន​សាកសពសមត្ថកិច្ច​យកមករក្សាទុកនៅវត្តក្តីបាវិត ភូមិជៃកំពក ឃុំជៃកំពក ស្រុកព្រះស្ដេច ដើម្បី​ស្រាវជ្រាវរកក្រុមគ្រួសារ៕