Post News Media ព័ត៌មានជាតិ បុរសវិកលចរឹតម...

បុរសវិកលចរឹតម្នាក់ ត្រូវមនុស្សមួយក្រុមដេញវាយរបួសធ្ងន់ ដោយអះអាងថាបុរសនេះជាចោរ

ភ្នំពេញ: បុរសម្នាក់ ដែលប្រជាពលរដ្ឋជាច្រើនបានអះអាងថា ជាមនុស្សវិកលចរិត ត្រូវបានមនុស្សមួយដេញព្រួតវាយ បណ្តាលឲ្យដេកដួលរងរបួសធ្ងន់ ដោយគេចោទបុរសនេះថាជាចោរលួច។

ហេតុការណ៍នេះកើតឡើងកាលពីវេលាម៉ោង១និង១០នាទី យប់ឈានចូលថ្ងៃទី២ ខែកុម្ភ: ឆ្នាំ២០១៧ ស្ថិតនៅក្រោយណាហ្គាវើល ក្នុងសង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។

ប្រជាពលរដ្ឋ និងបងប្រុស២នាក់ ដែលនៅកន្លែងកើតហេតុ បាននិយាយប្រាប់ថា មុនពេលកើតហេតុ គេបានឃើញមនុស្សមួយក្រុមមានគ្នា១០នាក់ជាង បានកាន់ដុំថ្ម ដំបង និងខ្សែរក្រវ៉ាត់ បានដេញវាយយ៉ាងសាហាវ ដោយមនុស្សមួយក្រុមនោះ ស្រែកថាចោរលួច។

ប្រភពដដែលបន្តថា មនុស្សមួយក្រុមនោះ បានវាយបុរសវិកលចរិតខាងលើ បណ្តាលឲ្យរងរបួសបែកក្បាលហូរឈាម ដេកដួលលែងដឹងខ្លួន ។ បន្ទាប់ពីមនុស្សមួយក្រុមនោះវាយបុរសវិកលចរិតហើយ ក៏នាំគ្នាចែកជើងចេញទៅបាត់អស់តែម្តង ។

ទោះជាយ៉ាង បុរសម្នាក់ដែលត្រូវគេវាយបណ្តាលឲ្យរបួសធ្ងន់ធ្ងរនោះ ត្រូវបានប្រជាពលរដ្ឋនៅម្តុំនោះស្គាល់គេច្បាស់ណាស់ ថាបុរសម្នាក់នេះ ជាមនុស្សវិកលចរិត។

ក្រោយកើតហេតុ សមត្ថកិច្ចមូលដ្ឋាន បានចុះមកដល់ចំណុចកើត បានត្រឹមហៅរថយន្តសាមុយដឹកយកបុរសដែលត្រូវគេវាយ មិនដឹងមូលហេតុច្បាស់ ទៅសង្គ្រោះសិន ដើម្បីរង់ចាំសាកសួរបន្ត នៃដើមហេតុដែលបានកើតឡើង ៕