ភ្នំពេញ:បុរសជាអនាថាម្នាក់ បានដើរឆ្លងផ្លូវទាំងគាត់កាន់ឈើជ្រុត ហើយត្រូវរថយន្តកិន បែកក្បាលធ្លាយខួរស្លាប់ ហើយរថយន្តបានបើករត់បាត់ស្រមោល។ ហេតុការណ៍នេះកើតឡើងកាលពីវេលាម៉ោង៥និង១០នាទី ព្រឹកថ្ងៃទី០៩ ខែឧសភា ឆ្នាំ២០១៦ នៅមុខសណ្ឋាគាររីវើផាឡេស ផ្លូវជាតិលេខ៥ ក្នុងសង្កាត់ស្រះចក ខណ្ឌដូនពេញ។

ប្រភពពត័មានពីកន្លែងកើតហេតុបានប្រាប់ថា នៅពេលកើតហេតុនៅគេឃើញគាត់ដើរ ពីត្បូងទៅជើងលុះមកដល់មុខសណ្ឋាគាររីវើ ផាឡេស ក៏ឆ្លងផ្លូវហើយត្រូវរថយន្តស្ទួច បើកមកពីក្រោយបុក និងកិនពីលើបែកក្បាលស្លាប់ភ្លាមៗតែម្ដង បន្ទាប់មករថយន្តបានបន្ថែមល្បឿនគេចខ្លួនបាត់។ ហើយដោយសារតែនៅព្រឹកព្រលឹម នៅតាមផ្លូវនៅមានសភាពស្ងាត់ ទើបគ្មានអ្នកណាឃាត់រថយន្តនោះបាន ។

បច្ចុប្បន្នសពត្រូវបានគេដឹកយកទៅវត្តសំបួរមាសដើម្បីធ្វើការបូជាព្រោះគ្មានសញ្ញតិបងប្អូនទេ៕