Post News Media ព័ត៌មានជាតិ យុវជនបួននាក់ ...

យុវជនបួននាក់ ត្រូវសមត្ថកិច្ចឃាត់ខ្លួន បន្ទាប់ពីផឹកស្រាស្រវឹង ហើយយកដំថ្មគប់លើរថយន្តតាមដងផ្លូវជាតិ

ប៉ៃលិន:​ យោងតាមស្នងការ​ដ្ឋាននគរបាលខេត្ត​ប៉ៃលិន កាលពី​ថ្ងៃទី០២ ខែកុម្ភ: វេលាម៉ោង ១០ និង ៣០នាទីយប់ បានឲ្យដឹងថា កម្លាំងនគរបាលអន្តរាគមន៍បានចុះធ្វើការបង្ក្រាបភ្លាមៗនៅកន្លែងកើតហេតុ​ លើករណីជនមួយក្រុម បានផឹកស្រាស្រវឹង ហើយយកដំថ្មគប់លើរថយន្តតាមដងផ្លូវជាតិលេខ ៥៧ ត្រង់ចំណុចស្ពានតារាប ស្ថិតក្នុងភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្ត​ប៉ៃលិន។

ក្រោយការចុះបង្ក្រាបសមត្ថកិច្ច ឃាត់ខ្លួនបានយុវជន ៤ នាក់ ទី១ ឈ្មោះ សុខ វិន ភេទប្រុស អាយុ ២០ឆ្នាំ មុខរបរកម្មករ រស់នៅភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្ត​ប៉ៃលិន ទី២ ឈ្មោះ សៅ ពុទ្ធារ៉ា ភេទ​ប្រុស អាយុ ២២ឆ្នាំ មុខរបរកសិករ រស់នៅ​ភូមិអូរច្រា សង្កាត់ទួលល្វា ក្រុងប៉ៃលិន ខេត្ត​ប៉ៃលិន ទី៣ ឈ្មោះ ប៉ុច ឡៃកុង ភេទប្រុស អាយុ ២២​ឆ្នាំ មុខរបរកសិករ រស់នៅ​ភូមិស្ទឹងកាច់ ឃុំស្ទឹងកាច់ ស្រុក​សាលាក្រៅ ខេត្តប៉ៃលិន
និងទី៤ ឈ្មោះ ឃុត ប្រុស ហៅឡិក ភេទ​ប្រុស អាយុ ២៤ឆ្នាំ មុខរបរមិនពិតប្រាកដ រស់នៅភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន។

បច្ចុប្បន្នកម្លាំងសមត្ថកិច្ចជំនាញ កំពុងធ្វើការស៊ើប​អង្កេតបន្ត ដើម្បីរកបក្សពួក និងចាត់ការតាមនិតិវិធីច្បាប់៕