Post News Media ព័ត៌មានជាតិ ប្រតិបត្តិការ...

ប្រតិបត្តិការបង្ក្រាបគ្រឿងញៀន នៅភូមិត្រពាំងឈូក ផ្ទះ ៥៣ ខ្នង ត្រូវបានរុះរើ

ភ្នំពេញ: នៅព្រឹកថ្ងៃទី១២ ខែកុម្ភ: ឆ្នាំ២០១៧នេះ កម្លាំងចម្រុះរាជនីភ្នំពេញ សហការណ៍ជាមួយ មន្ទីរប្រឆាំងគ្រឿងញៀន រួមគណ:បញ្ជាការឯកភាពខណ្ឌសែនសុខ បានចុះរុះរើផ្ទះចំនួន៥៣ ខ្នង ដែលជាកន្លែង ប្រមូលផ្តុំចែកចាយ និងប្រើប្រាស់គ្រឿងញៀន នៅភូមិត្រពាំងឈូក សង្កាត់ទឹកថ្លាខណ្ឌសែនសុខ។

ក្រោយពីធ្វើការរុះរើរួច អភិបាលខណ្ឌសែនសុខ លោក ប៉ិល កុសល បានជំរាបជូនដំណឹងដល់ប្រជាពលរដ្ឋដែលរស់នៅទីនោះឲ្យរកកន្លែងផ្សេងស្នាក់នៅ ព្រោះតំបន់នេះជាបណ្តោះអាសន្ន មិនអនុញ្ញាតិឲ្យប្រជាពលរដ្ឋស្នាក់នៅទេ ដើម្បីផ្ដល់ភាពងាយស្រួលដល់សមតកិច្ចបោសសំអាតគ្រឿងញៀន៕