ភ្នំពេញ: នៅពេលដែលយើងក្រលេកមើលទិដ្ឋភាព ពាណិជ្ជកម្ម នាពេលបច្ចុប្បន្ននេះ យើងនឹងមើលឃើញថាមាន ប្រភេទអាជីវកម្មថ្មីៗ និងប្លែកៗជាច្រើន បាននឹងកំពុងកកើតរីក ដុះដាលដូចជាផ្សិតនៅគ្រប់រាជធានី ខេត្ត ទូទាំងប្រទេសកម្ពុជា ជាពិសេសគឺ រាជធានីភ្នំពេញ។

អាជីវកម្មទាំងនោះ ត្រូវបានរៀបចំឡើងក្នុងសណ្ឋានមួយទំនើបៗ ទាន់សម័យ និងប្រកបដោយភាពទាក់ទាញពីសំណាក់យើងទាំងអស់គ្នា ហើយអ្វីដែលរឹតតែគួរឲ្យចាប់អារម្មរណ៍ គឺភាគច្រើននៃអាជីវកម្មទាំងនោះ ត្រូវបានគ្រប់គ្រងដោយក្រុមសហគ្រិនវ័យក្មេងៗ ចូលរួមបណ្តាក់ទុនគ្នារកស៊ី ឯខ្លះទៀតក៏មានសណ្ឋានជា ឯកកម្មសិទ្ធ។

ប្រតិបត្តិការអាជីវកម្មទាំងនោះកើតឡើងពី គោលគំនិតចង់បានឯករាជ្យភាពក្នុងការរកប្រាក់ចំណូល ក៏ដូចជាវិសាលភាពនៃការទទួលប្រាក់ចំណេញផងដែរ។ សហគ្រិន ទាំងអស់សុទ្ធតែយល់ឃើញថាមានតែការធ្វើអាជីវកម្មដោយខ្លួនឯងនោះទេ ទើបធ្វើឲ្យពួកគេចៀសផុតពីនឹមនៃការត្រួតត្រារបស់អ្នកដទៃ ហើយអ្វីដែលរឹតតែគួរឲ្យត្រេកត្រអាលនោះគឺ ឱកាសក្លាយជាអ្នកមានក្នុងមួយពព្រិចភ្នែក។ ជាក់ស្តែងដូចជា Jack Ma, Bill Gate, Donald Trump, Mark Zuckerberg… -ល- ពួកគេទាំងនោះសុទ្ធតែក្លាយជាមហាសេដ្ឋីវ័យក្មេង តាមរយ:ការធ្វើអាជីវកម្មដោយខ្លួនឯង។ ភាពជោគជ័យនៃអាជីវកម្ម ក៏ដូចជាការទទួលបាននូវប្រាក់ចំណេញសន្ធឹកសន្ធាប់ សុទ្ធតែជាក្តីស្រម៉ៃនៃសហគ្រិនគ្រប់ៗរូប។ ប៉ុន្តែវាជាការងាយស្រួលដែរឬទេ ក្នុងការធ្វើឲ្យអាជីវកម្មនីមួយៗទទួលបានភាពជោគជ័យ?

ជាការពិតណាស់ ការដែលសម្រេចឲ្យបាននូវគោលបំណងអាជីវកម្មនីមួយៗ វាមិនមែនជារឿងងាយស្រួលដូចអ្វីដែលយើងស្រម៉ៃទុកនោះទេ។ សហគ្រិនទាំងអស់ត្រូវទាមទារឲ្យមានការយល់ដឹងទូលំទូលាយ ដើម្បីបត់បែនឲ្យបានឆាប់រហ័សទៅនឹងស្ថានការណ៍ ដែលកើតឡើងឥតព្រៀងទុក ហើយជាពិសេស ពួកគេក៏ទាមទារឲ្យមានភាពវ័យឆ្លាតក្នុងការគ្រប់គ្រងប្រាក់ចំណូលចំណាយនៅក្នុងអាជីវកម្មទាំងមូលផងដែរ។ ចំណេះដឹងទៅលើផ្នែកហិរញ្ញវត្ថុ ទីផ្សារ ច្បាប់ការងារ ក៏ដូចជាកាតព្វកិច្ចទាក់ទងនឹងរដ្ឋាភិបាលនានា ជាចំណេះដឹងដ៏សំខាន់ដែលសហគ្រិនគ្រប់ៗរូបត្រូវតែយល់ដឹង ព្រោះថាយើងមិនអាចទៅជួលបុគ្គលិកឲ្យមកធ្វើការ ហើយគ្រប់គ្រងបុគ្គលិកដោយគ្មានចំណេះដឹងក្នុងខ្លួននោះទេ។ ទន្ទឹមនឹងនេះដែរ CamEd Business School គឺជាវិទ្យាស្ថានមួយដែលមានការបណ្ដុះបណ្ដាលនូវជំនាញផ្នែកគណនេយ្យ ហិរញ្ញវត្ថុ និងសវនកម្ម បានការទទួលស្គាល់ដោយសមាគម គណនេយ្យករអន្តរជាតិធំជាងគេហៅកាត់ថា ACCA (ទទួលស្គាល់១៨៣ ប្រទេសជុំវិញពិភពលោក) រួមជាមួយការទទួលស្គាល់ពីក្រសួងអប់រំ យុវជន និងកីឡា និងក្រសួងសេដ្ឋកិច្ច និងហិរញ្ញវត្ថុនៃព្រះរាជាណាកម្ពុជាផងដែរ។ CamEd Business School បានដើរតួយ៉ាងសំខាន់ក្នុងការបណ្តុះបណ្តាលសហគ្រិនវ័យក្មេង ក៏ដូចជា និយោជក និយោជិកនៅតាមបណ្តាក្រុមហ៊ុនធំៗជាច្រើននៅក្នុងប្រទេសកម្ពុជា។ តាមរយ:កម្មវិធីសិក្សាស្តង់ដារអន្តរជាតិរួមជាមួយនឹងសាស្ត្រាចារ្យមានគរុកោសល្យ និងបទពិសោធន៍ការងារក្នុងមុខវិជ្ជាដែលបានបង្រៀនយូរឆ្នាំ ទើបធ្វើឲ្យគ្រប់និស្សិតដែលបានមកទទួលការបណ្តុះបណ្តាលនៅ CamEd Business School សុទ្ធតែអាចសម្រេចនូវគោលបំណង និងក្តីស្រមៃរបស់ពួកគេរៀងៗខ្លួន។

ភាពជោគជ័យក្នុងការធ្វើអាជីវកម្មអាចកើតឡើងបាន ដរាបណាមានការខិតខំយ៉ាងសស្រាក់សស្រាំរបស់សហគ្រិនគ្រប់ៗរូប រួមជាមួយនឹងចំណេះដឹងគោលសំខាន់ៗដូចដែលបានលើកឡើងខាងលើ។ វាអាចកើតឡើងក្នុងរូបភាពសាមញ្ញមួយ ប៉ុន្តែភាពជោគជ័យរបស់វាមិនបានកើតឡើងដោយស្រួលដូចអ្វីដែលយើងស្រមៃនោះទេ ដូច្នេះហើយសូមចាប់ផ្តើមសន្សំនូវបទពិសោធន៍ ក៏ដូចជាពង្រឹងនូវចំណេះដឹងអាជីវកម្ម ឆ្ពោះទៅកាន់មុខរបរក្តីស្រមៃរបស់អ្នកនៅថ្ងៃនេះជាមួយនឹង CamEd Business School ដោយចូលគ្រាន់តែចូលទៅកាន់គេហទំព័រ៖ http://www.cam-ed.com ព័ត៌មានលម្អិតបន្ថែម សូមទំនាក់ទំនងតាមរយ: 023 986 522 ឬ 012 618 988 ៕