Post News Media ព័ត៌មានជាតិ រថយន្តសណ្ដោងម...

រថយន្តសណ្ដោងមួយគ្រឿង បុកបាក់ស្ពានអាកាសនៅថៃ

ថៃ: នៅថ្ងៃអង្គារនេះ ស្ពានអាកាសសអ្នកថ្មើរជើង លើផ្លូវហាយវ៉េលេខ ៣៣៤ ត្រូវបាក់ធ្លាក់ចុះ នៅខេត្ត Ang Thong បន្ទាប់ពីរថយន្តសណ្ដោងដឹកទ្បានកាយដីមួយគ្រឿង បានបើកបុក ដែលបណ្តាលឲ្យរថយន្តជាច្រើនគ្រឿង ត្រូវខូចខាត និងធ្វើឲ្យមនុស្សម្នាក់រងរបួស។ នេះបើយោងតាមរយ:សារព័ត៌មាន Bangkok Post ចេញផ្សាយនៅថ្ងៃទី២១ ខែកុម្ភ: ឆ្នាំ២០១៧។

មន្ត្រីក្នុងតំបន់បានឲ្យដឹងថា គ្រោះថ្នាក់ចរាចរណ៍នេះ បានកើតឡើងវេលាម៉ោង ១១ ព្រឹក នៅក្បែរបង្គោលម៉ែត្រលេខ៥០ នៅមុខស្ថានីយ៍ប្រេងមួយកន្លែង ក្នុងស្រុក Muang នៃខេត្ត Ang Thong ។

គួរបញ្ជាក់ដែរថា ការបាក់ស្ពាននេះ ធ្វើឲ្យស្ទះចរាចរណ៍ជាច្រើនម៉ោងក្នុងខេត្ត មួយនេះ៕