Post News Media ព័ត៌មានជាតិ អ្នករស់នៅខណ្ឌ...

អ្នករស់នៅខណ្ឌច្បារអំពៅ ត្រៀមដាច់ទឹក

ភ្នំពេញ: យោងតាមសេចក្តីជូនដំណឹង របស់រដ្ឋាករទឹកស្វយ័តរាជធានីភ្នំពេញ បានឲ្យដឹងថា នឹងមានការផ្អាកការផ្គត់ផ្គង់ទឹក ដល់ប្រជាពលរដ្ឋ​ដែលមានទីលំនៅក្នុងសង្កាត់និរោធ និងសង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ដែលការផ្អាកនេះ នឹងធ្វើឡើងនៅយប់ថ្ងៃទី២៤ ខែកុម្ភ: ឆ្នាំ២០១៧។

ក្នុងនោះដែរ រដ្ឋាករទឹកស្វយ័តក្រុងភ្នំពេញ គ្រោងកាត់ភ្ជាប់បំពង់ចែកចាយទឹកថ្មី ទំហំ ១៦០ មម នៅចិញ្ចើមខាងជើងផ្លូវជាតិលេខ១ ចាប់ពីផ្លូវលេខ ៣៥៧ ដល់ផ្លូវ៦១០ ស្ថិតក្នុងសង្កាត់និរោធ និងសង្កាត់ច្បារអំពៅ២ ខណ្ឌច្បារអំពៅ នៅយប់ថ្ងៃទី២៤ កុម្ភ: ឆ្នាំ២០១៧ ដោយផ្អាកការផ្គត់ផ្គង់ទឹកមួយរយ:ពេលខ្លី ប្រមាណជា៤ម៉ោង គឺចាប់ពីម៉ោង៨ យប់ ដល់ម៉ោង១២យប់៕