Post News Media ព័ត៌មានជាតិ ថ្ងៃទី២៦កុម្ភ...

ថ្ងៃទី២៦កុម្ភ: លទ្ធផលបង្ក្រាបគឿងញៀន ២៦ករណី ឃាត់មនុស្ស ៧៤នាក់

ភ្នំពេញ: យុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី២៦ ខែកុម្ភ: ឆ្នាំ២០១៧នេះ បានបង្ហាញថា កម្លាំងសមត្ថកិច្ចបានបង្ក្រាប បទល្មើសគ្រឿងញៀនបង្ក្រាប២៦ករណី ឃាត់មនុស្ស ៧៤នាក់ក្នុងនោះមានស្រី១៦នាក់ នេះបើយោងតាមលទ្ធផលផ្លូវការនៃការបង្ក្រាបករណីគ្រឿងញៀន របស់លេខាធិការដ្ឋាន នៃយុទ្ធនាការប្រយុទ្ធប្រឆាំង គ្រឿងញៀនខុសច្បាប់ លើកទី១។

ក្នុងប្រតិបត្តិការបង្ក្រាបគ្រឿងញៀននៅថ្ងៃទី២៦ ខែកុម្ភ: ឆ្នាំ២០១៧ មានមុខសញ្ញាជួញដូរគ្រឿងញៀន ១៨ករណី ឃាត់ ៤០នាក់ ក្នុងនោះមានស្រី១០នាក់ និងមុខសញ្ញាប្រើប្រាស់គ្រឿងញៀន ០៨ករណី ឃាត់ ៣៤នាក់ ក្នុងនោះមានស្រី៦នាក់ រួមទាំងវត្ថុតាងដកហូតមាន មេតំហ្វេតាមីន(ice)=២៩,៦៨ក្រាម និង៥៤កញ្ចប់តូច មេតំហ្វេតាមីន(wy)=១,៩៧ក្រាម។

លទ្ធផលបង្ក្រាបនិងឃាត់ខ្លួនជនសង្ស័យប្រុសស្រីទាំង៧៤នាក់និងវត្ថុតាង១ចំនួននេះ មានការចូលរួមបង្រ្កាប១០អង្គភាពបាន ១.បន្ទាយមានជ័យ ២.បាត់ដំបង ៣.កំពង់ធំ ៤.កំពត ៥.កណ្ដាល ៦.សៀមរាប ៧.ព្រះសីហនុ ៨.តាកែវ ៩.ប៉ៃលិន ១០.រាជធានីភ្នំពេញ៕