ព្រះសីហនុ: មន្ត្រីសាខាកាំកុងខេត្តព្រះសីហនុ នៅព្រឹកថ្ងៃទី០៧ ខែមីនា ឆ្នាំ២០១៧នេះ សហការជាមួយស្ថាប័នពាក់ព័ន្ធ បានបន្តចុះផ្សព្វផ្សាយអំពីគុណភាព សុវត្ថិភាពម្ហូបអាហារ ត្រួតពិនិត្យទៅលើម្ហូបអាហារវេចខ្ចប់ស្រាប់ និងអង្កេតពិនិត្យទីផ្សារចំពោះផលិតផលអាហារសំរាប់ទារក និងកុមារតូច ម៉ាក PC ORGANIC BRAND ដែលមានបាក់តេរីធ្វើអោយប៉ះពាល់ដល់សុខភាពទារក និងកុមារតូច​ នៅតាមដេប៉ូចែកចាយទំនិញ​ ផ្សារម៉ាត​ និងផ្សារទំនើបនៅតាមបណ្តោយផ្លូវឯករាជ្យ។

ជាលទ្ធផលបានរកឃើញ និងដកហូតភេសជ្ជៈ FANTA ដប ចំណុះ ១,៥ លីត្រ ចំនួន ៥ដបស្មើរនឹង ៧,៥គីឡូក្រាម នៅតូបបញ្ញាភា ដែលហួសកាលបរិច្ឆេទប្រើប្រាស់ យកទៅកំទេចចោល៕