ភ្នំពេញៈ ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័នឹងករណីចែកចាយនិងប្រើប្រាស់ថ្នាំញៀនដោយខុសច្បាប់។

ការចុះបង្ក្រាបនេះបានធ្វើកាលវេលាម៉ោង១រសៀល ថ្ងៃទី១១ ខែមីនា ឆ្នាំ២០១៧ ស្ថិតនៅក្នុងក្រុម១០ ភូមិមិត្តភាព សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបានមានឈ្មោះ តំ ស៊ីថាត ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅភូមិកើតហេតុខាងលើ។

មុនឈានដល់ការចាប់ឃាត់ខ្លួនជនសង្ស័យខាងលើ នគរបាលខណ្ឌឬស្សីកែវ ដែលដឹកនាំដោយលោក តូច គឹមសុង នាយប៉ុស្ដិ៍ឫស្សីកែវ ផ្នែកជំនាញប៉ុស្ដិ៍ឫស្សីកែវ នឹងមានការចូលរួមពីប្រជាការពារសង្កាត់នឹងអាជ្ញាធរមូលដ្ឋាន បានបើកការស្រាវជ្រាវចុះបង្ក្រាបករណីចែកចាយនឹងប្រើប្រាសថ្នាំញៀនមួយកន្លែង និងឃាត់ខ្លួនបានជនសង្ស័យខាងលើ ។ ក្នុងនោះដកហូតបាន ម្សៅសក្រាម ម៉ាទឹកកកចំនួន៧កញ្ចប់ មួយកញ្ចប់ធំ ព្រមទាំងឧបករណ៍ប្រើប្រាស់មួយចំនួនថែមទៀតផង។

បច្ចុប្បន្ន ជនសង្ស័យខាងលើរួមនិងវត្ថុតាង ត្រូវបានសមត្ថកិច្ចនាំខ្លួនមកកាន់អធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿងបញ្ជូនខ្លួនទៅកាន់តុលាការចាត់ការតាមផ្លូវច្បាប់៕