ភ្នំពេញៈ ដើមឈើដែលមានសភាពទ្រុតទ្រោម ក្រោយពីខ្យល់បោកបក់កាលពីម្សិលមិញ នៅក្បែរផ្សារធំថ្មី រហូតមកទល់ពេលនេះ អាជ្ញាធរមិនទាន់មានចំណាតការឡើយទេ ខណៈប្រជាពលរដ្ឋព្រួយបារម្ភ ខ្លាចបាក់មកលើពេលឆ្លលកាត់។

ប្រជាពលរដ្ឋបានប្រាប់ថា ដើមឈើបាក់មែកទូកទន់មកលើផ្លូវថ្នល់នៅទទឹងផ្លូវតាំងពីម្សិលមិញ រហូតមកដល់ពេលនេះ ប្រជាពលរដ្ឋមិនទាន់ឃើញអាជ្ញាធរណាអើពើចាត់វិធានការអ្វីឡើយ ដែលធ្វើឲ្យពួកគាត់ពិបាកធ្វើដំណើរលើដងផ្លូវ។

ប្រភពបានឲ្យដឹងថា ហេតុការណ៍ដើមឈើបាក់មែកមកទទឹងផ្លូវនេះ ខណៈមានភ្លៀងលាយឡំនិងខ្យល់កន្ត្រាក់កាលពីល្ងាចម្សិលមិញ នៅតាមបណ្តោយផ្លូវកម្ពុជាក្រោម ស្ថិតក្នុងសង្កាត់ផ្សារថ្មី២ ខណ្ឌដូនពេញ៕