ភ្នំពេញ: រថយន្តកូរ៉េបើកចេញពីចំណតរថយន្តក្រោមដីផ្សារស្ទឹងមានជ័យថ្មីរេរចង្កូតចូលផ្ទះពេទ្យ និងផ្ទះជាងធ្វើផ្លាកទីនកិនម៉ូតូ៤គ្រឿងសំណាងល្អមិនបង្កឲ្យគ្រោះថ្នាក់ដល់អាយុជិវិតមនុស្ស ។

ហេតុការណ៍គ្រោះថ្នាក់ចរាចរណ៍ដ៏ភ្ញាក់ផ្អើលខាងលើនេះបានកើតឡើងកាលពីវេលាម៉ោង២និង១៥នាទីរសៀលថ្ងៃទី២១ ខែមិនា ឆ្នាំ២០១៧ ស្ថិតនៅលើផ្លូវបេតុងជាប់ និងផ្សារស្ទឹងមានជយ័ថ្មី ភូមិទ្រា៣ សង្កាត់ស្ទឹងមានជ័យ ខណ្ឌមានជ័យ រាជនីភ្នំពេញ ។

ភ្នាក់ងារ Post News បានឲ្យដឹងថា មុនពេលកើតហេតុគេឃើញយុវជនម្នាក់បើករថយន្តកូរេមួយគ្រឿងពណ៌ខៀវពាក់ស្លាកលេខភ្នំពេញ 2K 3473 ដឹកសម្ភារ:សម្រាប់ក្មេងលេងចេញពីចំណតក្រោមដីក្នុងផ្សាស្ទឹងមានជ័យថ្មី ដោយរថយន្តខាងលើបានជាន់ហ្គ៊ែប្រឹងឡើងចំណោតហើយក៏បានរេរចង្កូតបុកចូលផ្ទះពេទ្យ និងផ្ទះជាងធ្វើផ្លាកទីន ហើយជ្រុលទៅបុកម៉ូតូ៤គ្រឿងដែលចតមុខផ្ទះ បណ្តាលឲ្យខូចខាតទាំងស្រុងចំណែកអ្នកបើកបររថយន្តបង្កខាងលើបើកទ្វាររថយន្តចុះដូចជាគ្មានរឿងអី ដើរចូលក្នុងផ្សាស្ទឹងមានជ័យថ្មីដោយសុវត្ថិភាព ។

ប្រភពដដែលបានបន្តថា ក្រោយពេលកើតហេតុសមត្ថកិច្ចចរាចរណ៍ខណ្ឌមានជ័យ ចុះធ្វើការវាស់វែងនៅកន្លែងកើតហេតុក្រោយមកតំណាងខាងផ្សាស្ទឹងមានជយ័ថ្មីធានាសងជួសជុលម៉ូតូ និងសម្ភារះដែលខូចខាតដើម្បីបញ្ចប់រឿងនៅកន្លែងកើតហេតុ ។

//youtu.be/TfdUWh1CFkc