ព្រះសីហនុ: តាមសេចក្តីរាយការណ៍បានឲ្យដឹងថា នៅថ្ងៃទី២២ ខែមីនា ឆ្នាំ២០១៧ វេលាម៉ោង៤និង៣០នាទីរសៀល លើផ្លូវជាតិលេខ៤ ចន្លោះគីឡូម៉ែត្រ ១៦៩និង១៧០ ស្ថិតនៅក្នុងភូមិសំពៅ ឃុំជើងគោ ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរមួយកើតឡើង បង្កដោយខ្លួនឯង រថយន្ត ១គ្រឿងបើកបរដោយឈ្មោះបេន បូនី ភេទប្រុស អាយុ ៣៦ឆ្នាំ មានទីលំនៅស្រុកទូកមាស ខេត្តកំពត ចំនួន ១២នាក់ស្រី ៤នាក់ មានទិសដៅពី ខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខខាងលើក៏បានរ៉េចង្កូតធ្លាក់ផ្លូវតែម្តង។
ប្រភពបានបន្តទៀតថា គ្រោះថ្នាក់នេះបណ្ដាលឲ្យស្លាប់មនុស្សម្នាក់ នៅនឹងកន្លែងកើតហេតុឈ្មោះ ជួប ផុង ភេទប្រុស អាយុ 68ឆ្នាំ មានទីលំនៅស្រុកទូកមាស ខេត្តកំពត (ត្រូវជាឪពុកអ្នកបើកបររថយន្ត) និងរងរបួសមនុស្សចំនួនម្នាក់ បានបញ្ជូនទៅសង្គ្រោះនៅគ្លីនិកវាលរេញ។ រីឯវត្ថុតាងរថយន្ត បានយកមករក្សាទុកនៅអធិការដ្ឋាននគរបាលស្រុកព្រៃនប់ ។
មតិយោបល់