ឧត្តរមានជ័យៈ ប្រជាពលរដ្ឋ កសិករ បានប្រទះឃើញគ្រាប់សល់ពីសម័យសង្គ្រាមប្រភេទ៦០មីលីម៉ែត្រ ចំនួន៧គ្រាប់ ខណៈដែលរូបគាត់បានយកត្រាក់ទ័រទៅភ្ជួរដីចំការ ដើម្បីដាំដំឡូងមី នៅខាងលិចភូមិចម្ងាយប្រហែល២គីឡូម៉ែត្រ។
ហេតុការណ៍ប្រទះឃើញគ្រាប់ពីសម័យសង្គ្រាមនេះ កាលពីវេលាម៉ោង១០ និង២០នាទី ថ្ងៃទី១៣ ខែឧសភា ឆ្នាំ២០១៦ ប្រជាពលរដ្ឋ ប្រទះឃើញ មានឈ្មោះ សែវ សិន ភេទប្រុស អាយុ៣៥ឆ្នាំ រស់នៅភូមិប្រាសាទ សង្កាត់បុស្បូវ ក្រុងសំរោង ខេត្តឧត្តរមានជ័យ។
ក្រោយពីទទួលបានព័ត៌មាន អធិការនគរបាលក្រុងសំរោង បានចាត់កម្លាំងប៉ុស្តិ៍ រដ្ឋបាលបុស្បូវ ចុះទៅកន្លែងកើតហេតុ ឃើញថា វា ប្រភេទ៦០មីលីម៉ែត្រ មានចំនួន៧គ្រាប់ នៅខាងលិចភូមិចម្ងាយប្រហែល២គីឡូម៉ែត្រ។ សមត្ថកិច្ចក៏ទទួលយកគ្រាប់ទាំងនោះ មករក្សាទុកនៅប៉ុស្តិ៍រដ្ឋបាល ដើម្បីប្រគល់ជូនទៅអាជា្ញធរកំចាត់មីន(ស៊ីម៉ាក)ចាត់ការបន្ត ជៀសវាងការបង្កគ្រោះថ្នាក់ដល់ប្រជាពលរដ្ឋក្នុងមូលដ្ឋាន៕
មតិយោបល់