ព្រះសីហនុៈ ប្រធាននគរបាលច្រកទ្វារកំពង់ផែអន្តរជាតិក្រុងព្រះសីហនុឲ្យដឹងថា នាវាទេសចរណ៍បរទេសមួយគ្រឿងបានចូលចតកំពង់ផែក្រុងព្រះសីហនុកាលពីព្រឹកថ្ងៃទី២៥ ខែមីនា ឆ្នាំ២០១៧នេះ នាំភ្ញៀវទេសចរណ៍ចម្រុះជាតិសាសន៍ចំនួន៥៨៩នាក់ មកទស្សនាប្រទេសកម្ពុជា រយៈពេលមួយថ្ងៃ។ នាវាទេសចរណ៍នេះធ្វើដំណើរមកពីប្រទេសវៀតណាម ចូលមកកំពង់ផែក្រុងព្រះសីហនុ រួចនឹងបន្តដំណើរឆ្ពោះទៅកាន់ប្រទេសថៃនៅល្ងាចថ្ងៃដដែល៕