ព័ត៌មានជាតិ

សមត្ថកិច្ចឃាត់ខ្លួនជនសង្ស័យម្នាក់ ក្នុងចំណោម ២នាក់ ករណីឆក់

កណ្ដាល: នៅថ្ងៃទីមិនចាំ ខែកក្កដាឆ្នាំ២០២០ វេលាម៉ោង ៦និ៣០នាទី ចំណុចតាមផ្លូវលេខ២១ ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល មានករណីអំពើលួច(ឆក់ទូរស័ព្ទ)។

ជនរងគ្រោះមិនស្គាល់ឈ្មោះ ភេទស្រី អាយុ ២០ឆ្នាំ (មិនបានដាក់ពាក្យបណ្តឹង)។
ជនសង្ស័យ០២នាក់៖
១-ឈ្មោះ ផាន់ ឧត្តម ហៅ ស្វិត ភេទប្រុស ជនជាតិខ្មែរ អាយុ ២៨ឆ្នាំ ទីលំនៅភូមិព្រែកកាត់ សង្កាត់តាក្តុល ក្រុងតាខ្មៅ ខេត្តកណ្តាល មុខរបរមិនពិតប្រាកដ (គេចខ្លួន)។
២-ឈ្មោះ ជួន ចន្ទ័បូរមី ភេទស្រី ជនជាតិខ្មែរ អាយុ ១៨ឆ្នាំ នៅភូមិព្រែកកាត់ សង្កាត់តាក្តុល ក្រុងតាខ្មៅ ខេត្តកណ្តាល មុខរបរមិនពិតប្រាកដ (ឃាត់ខ្លួន)។

សម្ភារបាត់បង់៖ គ្មាន។
វត្ថុតាងចាប់យក៖
-ម៉ូតូ១គ្រឿងម៉ាក Honda scoopy ពណ៌សលាយផ្កាឈូក ស៊េរី២០១១ ផ្លាកលេខភ្នំពេញ1BD-5595គ្មានស្តុប ក្រោយ(របស់ជនសង្ស័យ)។

សភាពនៃរឿងហេតុ៖ កាលពីវេលាកើតហេតុខាងលើ ជនរងគ្រោះបានជិះម៉ូតូម៉ាក today តែម្នាក់ឯង នៅពេលជិះមកដល់ម្តុំផ្សារកាច់ជ្រុង ស្រាប់តែឃើញជនសង្ស័យ ២នាក់ខាងលើ ជិះម៉ូតូ ១គ្រឿងម៉ាក scoopy ពណ៌សលាយផ្កាឈូក ផ្លាកលេខភ្នំពេញ 1BD-5595តាមពីក្រោយ ដោយឈ្មោះផាន់ឧត្តម ហៅស្វិត ជាអ្នកបើកម៉ូតូ រីឯឈ្មោះជួន ច័ន្ទបូរមី ហៅយ៉ែន ជាអ្នកអង្គុយខាងក្រោយ បានឆក់ទូរស័ព្ទរបស់ជនរងគ្រោះម៉ាកiphone 6 plus បានសម្រេចពេលនោះជនរងគ្រោះបានបើកម៉ូតូដេញតាម រួចបានបើកបុកម៉ូតូជនសង្ស័យពីក្រោយ បណ្តាលឲ្យដួលបែកស្តុប ហើយ
ដណ្តើមយកទូរស័ព្ទវិញ ចំណែកជនសង្ស័យទាំង២នាក់បានលើកម៉ូតូជិះគេចខ្លួនបាត់ទៅ រីឯជនរងគ្រោះមិនបានមកដាក់ពាក្យបណ្តឹងឡើយ។
លុះមកដល់ថ្ងៃទី៣០.០៨.២០២០ កម្លាំងប៉ុស្តិ៍តាក្តុលសហការ ជាមួយកម្លាំងយុត្តិធម៌ក្រុងតាខ្មៅ ដឹកនាំដោយលោកអធិការនគរបាលក្រុង ធ្វើការស្រាវជ្រាវឃាត់ខ្លួន បានជនសង្ស័យម្នាក់ខាងលើ បញ្ជូនមកអធិការដ្ឋាននគរបាលក្រុងតាខ្មៅ ដើម្បីចាត់ការបន្ត តាមនីតិវិធី។

តាមការសាកសួរជនសង្ស័យឈ្មោះ ជួន ច័ន្ទបូរមី ហៅយ៉ែន បានសារភាពថា ខ្លួននិងឈ្មោះផាន់ ឧត្តម ហៅស្វិត ពិតជាបានធ្វើសកម្មភាព ឆក់ទូរស័ព្ទរបស់ជនរងគ្រោះខាងលើ ប្រាកដមែន ដោយខ្លួនជា អ្នកឆក់ ហើយឈ្មោះផាន់ ឧត្តម ហៅស្វិតជាអ្នកបើកម៉ូតូ និង បានសារភាពទៀតថាគាត់បានប្រើប្រាស់គ្រឿងញៀនអស់រយ:ពេលជិត៥ខែមកហើយ៕

មតិយោបល់