ភ្នំពេញៈ បុរសម្នាក់បានមកដាក់ពាក្យបណ្តឹងនៅប៉ុស្តិ៍នគរបាលក្រាំងធ្នង់ បន្ទាប់ពីត្រូវបានជនសង្ស័យ បានធ្វើសកម្មភាពចាក់រូបគាត់នឹងដែកឆាប កាលពីពេលយប់។

ការមកដាក់ពាក្យបណ្តឹងនេះ បានធ្វើឡើងកាលពីវេលាម៉ោង៩ និង៤០នាទី ព្រឹកថ្ងៃទី២៥ ខែមីនា ឆ្នាំ២០១៧ ស្ថិតនៅប៉ុស្តិ៍នគរបាលក្រាំធ្នង់ ខណ្ឌសែនសុខ រាជធានីភ្នំពេញ។

ជនរងគ្រោះដែលមកដាក់ពាក្យបណ្តឹងទាំងខ្លួនមានរបួសនៅលើពោះផងនោះ មានឈ្មោះ អង់ ណាត អាយុ២៤ឆ្នាំ មុខរបរជាងសំណង់ ស្នាក់នៅភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ មានស្រុកកំណើតនៅភូមិតូច ឃុំត្រពាំងថ្កូវស្រុកឈូក ខេត្តកំពត។

ប្រភពព័ត៌មានពីបងថ្លៃរបស់ជនរងគ្រោះឈ្មោះ មាន សេងហុង អាយុ៤៧ឆ្នាំ មុខរបរមេជាងសំណង់ ស្នាក់នៅភូមិទួលល័ត សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ បានឲ្យដឹងថា នៅមុនពេលកើតហេតុ តាមដែលប្អូនថ្លៃគាត់បានប្រាប់ថាជនសង្ស័យមានគ្នា៣នាក់ បានទៅបបួលប្អូនថ្លៃរបស់គាត់ទៅផឹកស៊ី ខណៈដែលគាត់បានឲ្យប្អូនថ្លៃដែលជាជនរងគ្រោះនៅយាមការដ្ឋាននៅក្នុងភូមិវិមានទ្រង់ ហើយពួកគេទាំង៤នាក់រួមទាំងជនរងគ្រោះ បានជិះម៉ូតូមួយគ្រឿង ជារបស់ជនសង្ស័យមកផឹកទឹកត្មោតជូ តាមផ្លូវ បេតុង ភូមិវិមានទ្រង់ ត្រង់ចំណុផ្លូវបត់ចូលបុរីមហាសែនសុខ លុះផឹករួចហើយពួកគេក៏បបួលជនរងគ្រោះជិះម៉ូតូទៅកន្លែងស្ងាត់មួយចន្លោះម៉ោង៨ និង៣០នាទី យប់ថ្ងៃទី២៤ ខែឆ្នាំដដែល ហើយប្រាប់ជនរងគ្រោះថាចុះបត់ជើងតូច ស្រាប់តែមួយសន្ទុះក្រោយមកពួកគេទាំង៣នាក់ បានធ្វើសកម្មភាពចាក់ជនរងគ្រោះនឹងដែកឆាបទាំងពីមុខ ទាំងពីក្រោយ ដោយ២នាក់ជាអ្នកចាប់ដៃជនរងគ្រោះទាំងសងខាង ហើយម្នាក់ទៀតជាអ្នកធ្វើសកម្មភាពយកដែកឆាបចាក់ជនរងគ្រោះបណ្តាលឲ្យជនរងគ្រោះមានស្នាមរបួសជាច្រើនកន្លែងហើយសន្លប់នៅក្បែរកន្លែងកើតហេតុ ក្រោយមកសមត្ថកិច្ចមូលដ្ឋានបានយកជនរងគ្រោះទៅសង្គ្រោះនៅមន្ទីពេទ្យ ចំណែកជនសង្ស័យបានគេខ្លួនបាត់អស់ទៅហើយ។

ក្រោយពីកើតហេតុ នៅវេលាម៉ោង៩ និង៤០នាទីព្រឹក ថ្ងៃទី២៥ ខែមីនា ឆ្នាំ២០១៧ទើបជនរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបានក្រាំធ្នង់ ឲ្យជួយវែកមុខរកជនសង្ស័យមកផ្តន្ទទោសតាមច្បាប់៕

https://youtu.be/fK5jbzwQB6M