ភ្នំពេញ: ភ្នាក់ងារ Post News បានឲ្យដឹងថា កាលពីម៉ោង៥និង៣០នាទីល្ងាច នៅថ្ងៃទី ២៤ ខែមីនា ឆ្នាំ២០១៧ ដោយបានឯកភាពតាមរយ:ទូរសព្ទពីលោក គុជ គឹមឡុង ព្រះរាជអាជ្ញារង នៃ អយ្យការអមសាលា ដំបូង រាជធានីភ្នំពេញ និង មានការចូលរួមដឹកនាំផ្ទាល់ពី លោក ផាន់ ពិសិដ្ឋ ជាក្រឡា បញ្ជី ឲ្យមន្ត្រីការិល័យ ប្រឆាំងគ្រឿងញៀន ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ឃាត់ជនសង្ស័យចំនួន០១នាក់ ឈ្មោះតាក់ មិនា ហៅ ម៉ាប់ ភេទប្រុស អាយុ ៣៥ ឆ្នាំ ជនជាតិខ្មែរ វត្ថុតាងចាប់យកក្រាមពណ៌សថ្លាសង្ស័យជាគ្រឿងញៀនចំនួន០១កូនកញ្ចប់ថង់ ។ ភ្លាមៗនោះមន្ត្រីយើងបានប្រើវិធានការជំនាញ នាំជនសង្ស័យខាងលើ ទៅចង្អុលកន្លែងស្នាក់នៅ នៅវេលា ម៉ោង៦ល្ងាច ថ្ងៃខែឆ្នាំដដែល មន្ត្រីយើងបាន សហការជាមួយអាជ្ញាធរខណ្ឌពោធិ៍សែនជ័យ ចុះឆែកឆេរផ្ទះលេខ២ ផ្លូវលំ ក្រុមទី២ ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ ជាផ្ទះជនសង្ស័យស្នាក់នៅ រកឃើញសម្ភារ:វត្ថុតាងមួយចំនួន លោកព្រះរាជអាជ្ញារងសម្រេចឲ្យនាំខ្លួនជនសង្ស័យមកការិយាល័យដើមធ្វើការបន្ត ឈ្មោះ តាក់ មិនា ហៅ ម៉ាប់ ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មកររោងចក្រហុងដា កើតនៅភូមិកំពង់តាយ៉ង ឃុំ/ស្រុកពួក ខេត្តសៀមរាប ទីលំនៅផ្ទះលេខ២ ផ្លូវលំ ភូមិចោមចៅ សង្កាត់កាកាប ខណ្ឌពោធិ៍សែនជ័យ ដកហូតក្រាមពណ៌សថ្លាចំនួន១កូនកញ្ចប់ថង់ ម្សៅម៉ដពណ៌ស (ខេតាមីន)ចំនួន១ កញ្ចប់ -ថ្នាំគ្រាប់ ប្រភេទថ្នាំសប្បាយចំនួន១គ្រាប់ ជញ្ជីងសម្រាប់ថ្លឹងគ្រឿង ញៀនចំនួន១គ្រឿង អាវុធវែងបាញ់គ្រាប់ កង់ចំនួន១ ដាវចំនួន១ដើម រថយន្តចំនួន១គ្រឿង និងសម្ភារ:ប្រើប្រាស់មួយចំនួន ។