កែប: លោកអធិការក្រុងកែប បានប្រាប់ Post News ថា នៅវេលាម៉ោង១០ និង១០ នាទីថ្ងៃទី២៥ ខែមីនា ឆ្នាំ២០១៧ មានករណីប្រទះឃើញសាកសពស្ត្រីម្នាក់ ដេកស្លាប់ នៅចំណុចដីឡូមួយកន្លែង ជាប់មាត់សមុទ្រ ពីខាងជើងផ្ទះសំណាក់វិសាលសក្ដិ ចម្ងាយប្រមាណ៣០០ ម៉ែត្រ ស្ថិតក្នុងភូមិថ្មី សង្កាត់ព្រៃធំ ក្រុងកែប ខេត្តកែប ។

តាមសមត្ថកិច្ច បានឲ្យដឹងថា សាកសពឈ្មោះ អ៊ុយ ឆេង ភេទស្រី អាយុ៤៧ ឆ្នាំ មុខរបរកសិករ រស់នៅភូមិកើតហេតុ។
តាមការសន្និដ្ឋាន អ្នកស្លាប់ គឺបណ្ដាលមកពីស្រវឹងស្រាខ្យល់គស្លាប់ ហើយពេលនេះ សាកសពត្រូវបានក្រុមគ្រួសារ ដឹកយកទៅធ្វើបុណ្យតាមប្រពៃណី ៕