ឪពុកម្ដាយតែងតាំងលះបង់ស្ទើតែគ្រប់បែបយ៉ាងដើម្បីឲ្យកូនបានរៀនសូត្រ និងមានអនាគតល្អ មិនការប្រាក់កាក កម្លាំងកាយ-ចិត្តនោះទេ ពោលគឺឲ្យតែកូនទទួលបានជោគជ័យ។
លោក Yu Xukang គឺជាបុរសជនជាតិចិនម្នាក់ ដែលមានកម្លាំងពីធម្មជាតិខ្លាំងបំផុត ជាពិសេសគឺការលះបង់របស់លោកសម្រាប់កូនប្រុសជាទីស្រឡាញ់ រហូតដល់ពិភពលោកទាំងមូលមានមោទនភាព និងកោតសសើរលោកយ៉ាងខ្លាំង។
ជារៀងរាល់ថ្ងៃ លោក Xukang តែងតែធ្វើដំណើរសរុប ២៩គីឡូម៉ែត្រ ដើម្បីអៀវកូនប្រុសរបស់លោកទៅសាលារៀន។ រាល់ថ្ងៃគឺលោកតែងតាំងភ្ញាក់ពីព្រលឹមម៉ោង ៥ ដើម្បីរៀបចំប្រដាប់ប្រដារ ដូចជាសម្ភារសិក្សា និងអាហារថ្ងៃត្រង់សម្រាប់កូនប្រុសទុកញ៉ាំនៅសាលា។
ព្រឹកឡើងលោកអៀវកូនប្រុសទៅសាលារៀន បន្ទាប់លោកត្រឡប់មកផ្ទះវិញ ដើម្បីទៅធ្វើការ រួចពេលល្ងាច លោកត្រូវត្រឡប់ទៅសាលារៀនដើម្បីទទួកកូនប្រុស ដែលចម្ងាយនៃការធ្វើដំណើរក្នុងមួយថ្ងៃគឺ ២៩គីឡូម៉ែត្រ។
Xiao Qiang ដែលជាកូនប្រុសរបស់លោក Xukang គឺមិនអាចដើរបានដោយសារតែដៃ និងជើងមានលក្ខណៈខុសពីធម្មតា។ លោក Xukang បាននិយាយថា “កូនប្រុសរបស់ខ្ញុំពិការភាពគឺគាត់មិនអាចដើរបានដោយខ្លួនឯងនោះទេ ហើយគាត់ក៏មិនអាចជិះកង់បានផងដែរ”។ លោក Xukang បន្តទៀតថា លោកមានមោទនភាពថា កូនប្រុសរបស់លោកនឹងខ្ញុំប្រឹងប្រែងរៀនសូត្រ រហូតឡើងថ្នាក់ ហើយលោកនឹងថា វាពិតជាអស្ចារ្យខ្លាំងណាស់សម្រាប់រឿងនេះ។ លោកតែងតែស្រមៃថា កូនប្រុសរបស់លោក នឹងប្រឡងជាប់វិទ្យាល័យ។ “ខ្ញុំដឹងថា នេះគឺគ្រាន់តែជាការស្រមើស្រមៃ ប៉ុន្តែវាមិនមែនជារឿងដែលខុសនោះទេ”។
បន្ទាប់ពីទទួលបានព័ត៌មាននេះ រដ្ឋាភិបាលចិន បានផ្ដល់នូវផ្ទះល្វែងជិតសាលាមួយដើម្បីសម្រាប់ផ្ដល់ជាកន្លែងស្នាក់នៅដល់សិស្ស ហើយវាក៏កំពុងតែរៀបចំទទួលសិស្សផងដែរ៕
https://i1272.photobucket.com/albums/y389/domneng/2_zps1b9e188b.jpg
https://i1272.photobucket.com/albums/y389/domneng/3_zps717a4f6c.jpg
https://i1272.photobucket.com/albums/y389/domneng/4_zps6cb3d124.jpg
មតិយោបល់