ភ្នំពេញៈ បើយោងការបញ្ជាក់របស់លោក ឱម យិនទៀង ប្រធានអង្គភាពប្រឆាំងអំពើពុករលួយនៅព្រឹកថ្ងៃទី២៨ ខែមីនា ឆ្នាំ២០១៧នេះថា អង្គភាពប្រឆាំងអំពើពុករលួយពិតជាបានឃាតើខ្លួន លោក ហង្ស សាមឿន ក្រឡាបញ្ជីសាលាដំបូងខេត្តបន្ទាយមានជ័យពិតប្រាកដមែន។ លោកបន្ដថា បច្ចុប្បន្ន អង្គភាពប្រឆាំងអំពើពុករលួយកំពុងរៀបចំបែបបទបញ្ជូនជនសង្ស័យទៅកាន់តុលាការ ដើម្បីចាត់ការបន្តតាមនីតិវិធី។

ប្រភពពីមន្ត្រីអង្គភាពប្រឆាំងអំពើពុករលួយ បានបង្ហើបឱ្យដឹងថា ការឃាត់ខ្លួនលោក ហង្ស សាមឿន ក្រឡាបញ្ជីសាលាដំបូងខេត្តបន្ទាយមានជ័យនេះ គឺមានជាប់ពាក់ព័ន្ធនឹងការទាមទារលុយក្រោមតុពីប្រជាពលរដ្ឋ។

មន្ត្រីដដែលបានបញ្ជាក់ថា អង្គភាពប្រឆាំងអំពើពុករលួយបានឃាត់ខ្លួនលោក ហង្ស សាមឿន កាលពីថ្ងៃទី២៦ ខែមីនា ឆ្នាំ២០១៧កន្លងទៅ៕