ព័ត៌មានជាតិ

ជនជាតិចិនម្នាក់ ត្រូវខ្មាន់កាំភ្លើងបាញ់សម្លាប់ នៅក្រុងព្រះសីហនុ

ព្រះសីហនុ: ជនជាតិចិនម្នាក់ ត្រូវបានខ្មាន់កាំភ្លើងបាញ់ប្រហារ បណ្ដាលឲ្យស្លាប់ក្នុងថ្លុកឈាម។ ហេតុការណ៍នេះ កើតឡើងនៅរសៀលថ្ងៃទី២៤ ខែសីហា ឆ្នាំ២០១៩នេះ នៅចំណុចផ្ទះសំណាក់មួយកន្លែង ស្ថិតនៅក្នុងភូមិ១ សង្កាត់លេខ៤ ក្រុងព្រះសីហនុ ខេត្តព្រះសីហនុ។

សមត្ថកិច្ច បានឲ្យដឹងថា ជនជាតិចិន ដែលត្រូវខ្មាន់កាំភ្លើង បាញ់ប្រហារនេះ មិនទាន់ត្រូវបានគេស្គាល់ អត្តសញ្ញាណនៅឡើយទេ ហើយខ្មាន់កាំភ្លើងចំនួន ២នាក់ បានធ្វើសកម្មភាពក៏មិនទាន់ ត្រូវសមត្ថកិច្ចកំណត់អត្តសញ្ញាណបាននោះ ដោយពួកគេបានជិះម៉ូតូគេចខ្លួន ចេញពីកន្លែងកើតហេតុ ក្រោយធ្វើសកម្មភាព។

បច្ចុប្បន្នកម្លាំងសមត្ថកិច្ចមូលដ្ឋាន កំពុងធ្វើការស្រាវជ្រាវយ៉ាង យកចិត្ដទុកដាក់លើករណីនេះ ដើម្បីចាត់ការបន្ដតាមនីតិវិធី៕

មតិយោបល់