បាត់ដំបង: ភ្នាក់ងារPost News បានឲ្យដឹងថា កាលពីវេលាម៉ោង៣និង៥៥នាទីរសៀល ថ្ងៃទី២៧ ខែមីនា ឆ្នាំ២០១៧ កម្លាំងផ្នែកគ្រប់គ្រងជនបរទេស នៃអធិការដ្ថាននគរបាលស្រុកឯកភ្នំ បានសហការជាមួយលោក វីរ:សេនីយ៍ទោ គង់ ថុងដា នាយរងការិយាល័យនគរបាលអន្តោប្រវេសន៍ នៃស្នងការនគរបាលដ្ថាន ខេត្តបាត់ដំបង ចុះនាំខ្លួនជនបរទេស ( ជនជាតិវៀតណាម ) ដែលមានប៉ាស្ព័រឆ្លងដែនមកលួចធ្វើការងារដោយខុសច្បាប់ ចំនួន២នាក់នៅភូមិ ព្រែកទាល់ ឃុំកោះជីវាំង ស្រុកឯកភ្នំ ឈ្មោះ វ៉ាន់ ង៉ុកចិញ ភេទប្រុស អាយុ២០ឆ្នាំ កាន់ប៉ាស្ព័រលេខ C0446858 ។ ឈ្មោះ ង្វៀង ថាញ់បូល ភេទប្រុស អាយុ៣៤ឆ្នាំ កាន់ប៉ាស្ពរ័ B9567495 ។ ជនទាំង២នាក់ដែលបាននាំខ្លួនខាងលើបាន បញ្ជូនទៅការិយាល័យ អន្តោប្រវេសន៍នៅវេលាម៉ោង ១០ នាទីយប់ ។