បាត់ដំបង: កាលពីរសៀលថ្ងៃទី២៨ ខែមីនា ឆ្នាំ២០១៧ កម្លាំងអធិការនគរបាលរុក្ខគិរីស្រុក បានចុះអប់រំពីផលប៉ះពាល់នៃគ្រឿងញៀន
នៅភូមិទួលគគីរ ឃុំស្តុកប្រវឹក ប្រជាពលរដ្ឋចូលរួម១៩នាក់ ។

នៅល្ងាចថ្ងៃដដែលកម្លាំងនគរបាលស្រុករុក្ខគិរី ដឹកនាំដោយលោកវរសេនីយ៍ត្រី ទូច វិន អធិការរងស្រុក បានចុះបង្ក្រាបល្បែងស៊ីសងប៊ៀរ១កន្លែង នៅភូមិទួលគគីរ ឃុំស្តុកប្រវឹក ឃាត់ខ្លួនមនុស្ស៥នាក់ និងដកហូត ប៊ៀចំនួន២ហ៊ូរ កម្រាលក្រាលក្រណាត់ចំនួន២ក្រណាត់ ។

ជនសង្សយ័ចំនួន៥នាក់ ទី១ឈ្មោះ លូន ទីង ភេទប្រុស អាយុ៤៧ឆ្នាំ,ទី២ឈ្មោះ សុខ សឿន ភេទប្រុស អាយុ៥០ឆ្នាំ, ទី៣ឈ្មោះ ផាត ធា ភេទប្រុស អាយុ៣៤ឆ្នាំ, ទី៤ឈ្មោះ ណុំ យៀម ភេទប្រុស អាយុ៧០ឆ្នាំ, ទី៥ឈ្មោះ ឈឹម មេន ហៅក្រេន ភេទស្រី អាយុ៦៥ឆ្នាំ អ្នកទាំង៥នាក់ស្នាក់ទីលំនៅភូមិឃុំខាងលើ បានធ្វើកិច្ចសន្យាបញ្ឈប់ការលេងល្បែងស៊ីសងទៀត និងវិលត្រឡប់ទៅផ្ទះវិញផងដែរ៕