កណ្តាល: ភ្នាក់ងារPost Newsបានឲ្យដឹងថា កាលពីវេលាម៉ោង ៧និង៥នាទីយប់ ថ្ងៃទី២៩ ខែមីនា ឆ្នាំ២០១៧ នៅចំណុចផ្លូវលំ ភូមិព្រៃខ្លា ឃំុ​ក្រាំងម្កាក់ ស្រុកអង្គស្នួល ខេត្តកណ្តាល ។

ក្រោយចុះប្រតិបត្តិការសមត្ថកិច្ចបានឃាត់ខ្លួនបានម្នាក់ឈ្មោះ វ៉ែន សុផាត ភេទប្រុស អាយុ៣១ឆ្នាំ ជនជាតិខ្មែរ មុខរបរកម្មករសំណង់ នៅភូមិខ្ចៅ សង្កាត់បឹងធំ ខណ្ឌពោធិ៍សែនជយ័ រាជធានីភ្នំពេញ ។

ក្នុងវត្ថុតាងដែលសមត្ថកិច្ចបានដកហូតបានរួមមាន ម្សៅក្រាមសថ្លាសង្ស័យសារធាតុញៀនម៉ាទឹកកក [១១កញ្ចប់(១០កញ្ចប់តូច ១កញ្ចប់មធ្យម)]

ប្រភពដដែលបានបន្តថា នៅវេលាម៉ោងកើតហេតុខាងលើកម្លាំងជំនាញអធិការដ្ឋាននគរបាលស្រុកអង្គស្នួលសហការជាមួយប៉ុស្តិ៍ព្រៃពួចបានទទួលព័ត៌មានពីមហាជនល្អថាមានមុខសញ្ញាកំពុងជួញដូរសារធាតុញៀននៅចំណុចខាងលើទើបកម្លាំងជំនាញ ចុះទៅបង្រ្កាបមុខសញ្ញាបានម្នាក់ ត្រួតពិនិត្យរកឃើញម្សៅពណ៌សថ្លាសង្ស័យថាសារធាតុញៀនចំនួន១១កញ្ចាប់តូច១០និង១កញ្ចប់មធ្យម ។

តាមចម្លើយសារភាពរបស់ជនសង្ស័យ បានឆ្លើយថា ចំពោះថ្នាំញៀនខ្លួនទិញពីឈ្មោះមិនស្គាល់នៅម្តុំចោមចៅ តម្លៃ១៥មុឺនរៀលយកមកលក់បន្ត ។

បច្ចុប្បន្នជនសង្ស័យឃាត់ ខ្លួននៅអធិការដ្ឋាននគរបាលស្រុកអង្ដស្នួល ដើម្បីបន្តតាមនិតិវិធី ៕