ស្វាយរៀងៈ កាលពីវេលាម៉ោង៨យប់ថ្ងៃទី១៤ឧសភា២០១៦ យ៉ាងហោចណាស់ស្ត្រីម្នាក់បានស្លាប់ភ្លាមៗនិងកន្លែងកើតហេតុ និងប្រុសស្រី២នាក់រងរបួសធ្ងន់ស្រាល ដោយសារករណីគ្រោះថ្នាក់រវាងរថយន្តក្រុងព្រលះពីក្រោយរថយន្តនីសាន់បើកស្របទិសគ្នាពេញទំហឹង បណ្ដាលឲ្យខ្ទាតចូលវាលស្រែ លើកំណាត់ផ្លូវជាតិលេខ១ នៅចំណុចភូមិព្នៅ ឃុំតាសួសស្រុកស្វាយ ជ្រំខេត្តស្វាយរៀង។ ស្ត្រីដែលស្លាប់មានឈ្មោះ វ៉ា សេង ភេទស្រី អាយុ៥៥ឆ្នាំមុខរបរជាមន្ត្រីរាជការ។

ចំណែកអ្នករងរបួសធ្ងន់ស្រាលមានឈ្មោះ សោម ភារម្យ ភេទប្រុស អាយុ៣០ឆ្នាំ មុខរបរអាជីវករលក់ដូរ (ជាអ្នកបើកបររថយន្ត) និងឈ្មោះចាបសុភាព ភេទស្រី អាយុ២៧ ឆ្នាំមុខរបរនិស្សិតដោយអ្នកទាំង៣មានទីលំនៅភូមិចុងព្រែក សង្កាត់ស្វាយរៀង ក្រុងស្វាយរៀង។

មុនពេលកើតហេតុមានរថយន្តក្រុងម៉ាកហ៊ីហ៊ិនដាយ ព៌ណទឹកប្រាក់ ពាក់ស្លាកលេខភ្នំពេញ3C6588 បើកបរដោយបុរសម្នាក់មិនស្គាល់អត្តសញ្ញាណ ដោយធ្វើដំណើរពីកើតមកលិចក្នុងល្បឿនលឿន ហើយក៏ជែងនិងរថយន្តមួយគ្រឿងទៀតបញ្ច្រាសទិសគ្នា ឋិតក្នុងស្ថានភាពគ្រោះថ្នាក់ក៏បុកគូថរថយន្តដែលបើកស្របទិសគ្នាពីក្រោយយ៉ាងពេញទំហឹងលាន់សូរដូចរន្ទះបាញ់ខែចែត្រ បណ្ដាលឲ្យរថយន្តនីសាន់បើងខ្ទាតធ្លាក់ស្រែតែម្ដង៕