Post News Media ព័ត៌មានជាតិ រថយន្ត១គ្រឿង ...

រថយន្ត១គ្រឿង ត្រូវម៉ូតូបុកពីក្រោយ បណ្ដាលឲ្យមនុស្ស ០២នាក់

បាត់ដំបង: បើតាមសមត្ថកិច្ច បានឲ្យដឹងថា កាលពីវេលាម៉ោង ១១ និង៣០ នាទីយប់ថ្ងៃទី១២ ខែមេសា មានករណីគ្រោះថ្នាក់ចរាចរណ៍មួយ ដោយម៉ូតូបុករថយន្តពីក្រោយ បណ្ដាលឲ្យស្លាប់បុរសពីរនាក់
នៅចំណុចក្រុមទី២ លើផ្លូវជាតិលេខ៥ ភូមិមោង ឃុំមោង ខេត្តបាត់ដំបង។

ហេតុការណ៍នេះ បានកើតឡើងរវាងរថយន្តមួយគ្រឿងម៉ាក​ ហ្វុយហ្សូ ពាក់ស្លាកលេខ​ភ្នំពេញ3A-4186 (អ្នកបើកបររត់គេចខ្លួនបាត់) ធ្វើដំណើរពីចេញពីខេត្តបាត់ដំបង ទៅភ្នំពេញ លុះមកដល់ចំណុចកើតហេតុខាងលើ ក៏ឈប់ប៉ះកង់នៅចិញ្ចើមផ្លូវខាងស្តាំរបស់ខ្លួន ក្រោយពេលប៉ះរួច ត្រូវបានម៉ូតូ១គ្រឿង ម៉ាកហុងដាទ្រីម C125 ស៊េរី ២០១៥ ពណ៌ខ្មៅ ពាក់ស្លាកលេខប៉ៃលិន 1B-1019 បើកបរដោយឈ្មោះ ផាត​ សុផាន់​ភេទ​ ប្រុស អាយុ១៨​ឆ្នាំ រស់នៅភូមិរាមគន់ ឃុំគារ ស្រុកមោងឬស្សី ខេត្តបាត់ដំបង បើកបរយ៉ាងលឿនស្របទិស បុកពីក្រោយរថយន្ត បណ្តាលឲ្យស្លាប់បុរសពីរនាក់ និងរថយន្ត ត្រូវរងការខូចខាត។

ក្រោយកើតហេតុ វត្ថុតាងត្រូវបានសមត្ថកិច្ចបញ្ជូនទៅការិយាល័យចរាចរណ៍ជើងគោក​ខេត្តបាត់ដំបង​ ដើម្បីរងចាំការដោះស្រាយពេលក្រោយ៕

Loading...