Post News Media ព័ត៌មានជាតិ Update៖ ទុស្ស...

Update៖ ទុស្សេខ្សែភ្លើង ឆេះផ្ទះអស់៤ខ្នងទាំងកណ្តាលថ្ងៃត្រង់

ព្រៃវែង: លោកអធិការស្រុកពារាំង បានប្រាប់Post Newsថា កាលពីវេលាម៉ោង១និង៤៥នាទី មានករណីអគ្គិភ័យមួយបានឆាបឆេះផ្ទះប្រជាពលរដ្ឋចំនួន៤ខ្នង ជាបន្តបន្ទាប់ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ រួមនឹងកងកម្លាំងមានសមត្ថកិច្ចចុះមកអន្តរាគមន៍បាញ់ពន្លត់។

អគ្គិភ័យនេះបានឆាបឆេះ នៅចំណុចភូមិស្នាយភ្លើង ឃុំព្រៃព្នៅ ស្រុកពារាំង ខេត្តព្រៃវែង។

ក្នុងនោះដែរសមត្ថកិច្ចបានបញ្ជាក់បន្ថែមថា ម្ចាស់ផ្ទះទាំង៤ខ្នង ដែលត្រូវអគ្គិភ័យឆេះខាងលើនេះ ទី១ឈ្មោះ ថានិ រ័ត្ន (ប្តីប្រពន្ធ ) ផ្ទះឈើប្រក់ក្បឿង ទំហំ៨គុណ៩ម៉ែត្រ ជញ្ជាំងក្តា ។ ទី២ឈ្មោះ ភ័ស ចន្នី (ប្តីប្រពន្ធ ) ផ្ទះឈើប្រក់ក្បឿង
ជញ្ជាំងក្តា ទំហំ៩គុណ៨ម៉ែត្រ ទី៣ឈ្មោះ វន់ សារី (ប្តីប្រពន្ធ) ផ្ទះឈើប្រក់ក្បឿង
ជញ្ជាំងក្តា ទំហំ៩គុណ៨ម៉ែត្រ និងម្ចាស់ផ្ទះទីឈ្មោះ ឆាង កិះ (ប្តីប្រពន្ធ ) ផ្ទះឈើប្រក់ក្បឿង ជញ្ជាំងក្តា ទំហំ៩គុណនឹង៨ម៉ែត្រ ។

សរុបការខូចខាត គិតជាប្រាក់ប្រមាណ ៣២០លានរៀល ចំណែកមូលហតុបណ្តាលមកពីការទុស្សេខ្សែភ្លើងឆ្លងចរន្តអគ្គិសនី៕