ភ្នំពេញ ៖ រថយន្តដឹកដី មួយគ្រឿងបានបើកសន្លោងរថយន្តដឹកដីមួយគ្រឿងទៀត បានបើកគៀររថយន្ត មួយគ្រឿងទៀត កាលពីម៉ោង
ជាង៣រសៀល ថ្ងៃទី៥ ខែមេសា ឆ្នាំ២០១៦ ស្ថិតនៅចំណុចផ្លូវលេខ២០១R មុខដីឡូគ្មានលេខ ក្រុមទី១៣ ភូមិគ្រោលគោ
សង្កាត់គីឡូម៉ែត្រលេខ៦ ខណ្ឌឫស្សីកែវ។
អ្នកបើកបររថយន្តដឹកដីទាំង២គ្រឿង ទី១ មានឈ្មោះ វឌ្ឍនា អាយុ២២ឆ្នាំ និង ឈ្មោះ ប៉ូយ ភួង អាយុ៣០ឆ្នាំ បច្ចុប្បន្នអ្នកទាំង
០២នាក់ស្នាក់នៅភូមិគ្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ ។ ចំណែកឯម្ចាស់រថយន្ត Camry បាឡែន
មិនត្រូវបានស្គាល់អត្តសញ្ញាណទេ។
រថយន្តរងគ្រោះ ម៉ាក Camry បាឡែន ពណ៌ ទឹកប្រាក់ ពាក់ស្លាកលេខ ភ្នំពេញ 2T-0682 បានបើកបរពីជើងទៅត្បូង ។
ចំណែកឯរថយន្តដឹកដីបានបើកពីត្បូងទៅជើង លុះមកដល់ចំណុចកើតហេតុខាងលើ ស្រាប់តែរថយន្តបង្កម៉ាក FUSO ពណ៌ ស
ពាក់ស្លាកលេខ ភ្នំពេញ 3C-2331 និងរថយន្តមួយគ្រឿងទៀតម៉ាក FUSO ពណ៌ ទឹកមាស គ្មានស្លាកលេខ
បានបើករ៉េចង្កូតមកខាងឆ្វេងបណ្តាលឲ្យគៀរប៉ះគូតរថយន្ត Camry បាឡែនខាងឆ្វេង ដែលបើកបរបញ្ជ្រាសទិសគ្នា ។
ក្រោយពេលកើតហេតុ ភាគីទាំងពីរបានធ្វើការចរចារគ្នានៅកន្លែងកើតហេតុ ដោយភាគីខាងរថយន្ត Camry បាឡែន
បានទាមទារសំណងពីរថយន្តដឹកដីចំនួន ៣០០ដុល្លាអាមេរិក ដោយភាគីខាងរថយន្តដឹកដីព្រមទទួលជួសជុលឲ្យទាំងស្រុង
ហើយភាគីខាងរថយន្ត Camry បាឡែន បានទាមទារសងជំងឺចិត្ត ២០០ដុល្លាអាមេរិកពីឡើងថែមទៀត ។
ប៉ុន្តែភាគីខាងរថយន្តដឹកដីមិនព្រមដូចការសំណូមពររបស់ភាគីខាងរថយន្ត Camry បាឡែនទេ
ពីព្រោះជារឿងគ្រោះថ្នាក់ចរាចរជាចៃដន្យមិនមែនជាការវាយដំគ្នានោះឡើយ។
បន្ទាប់មកភាគីទាំងសងបានធ្វើការចរចារគ្នា ដោយម្ចាស់រថយន្ត Camry បាឡែន បានធ្វើការទាមសំណងចំនួន ៣០០ដុល្លារ
ដើម្បីបញ្ចប់រឿង ម្ចាស់រថយន្តដឹកដីសុំសងម្ចាស់រថយន្ត បាឡែន ត្រឹមតែ ១៥០ដុល្លារតែប៉ុណ្ណោះ រួចចរចារគ្នាមិនត្រូវ
ទើបសមត្ថកិច្ចបានយករថយន្តទាំង ០៣គ្រឿងមកប៉ុស្តិ៍នគរបាលគីឡូមែ៉ត្រលេខ៦ ចាត់ការបន្តតាមផ្លូវច្បាប់ ៕
មតិយោបល់