ភ្នំពេញ៖ កម្លាំងរាជអាវុធហត្ថ បានឱ្យដឹងថា នៅរសៀលថ្ងៃទី៥ ខែមេសា ឆ្នាំ២០១៦ នេះលោក ស៊ិន វីរ: តំណាងអយ្យការ បានសម្រេចឃុំខ្លួនជនសង្ស័យមេក្លោងជួញដូរគ្រឿងញៀនម្នាក់ ជាបណ្តោះអាសន្ននៅមណ្ឌលកែប្រែព្រៃស ចំណែកជនសង្ស័យប្រើប្រាស់គ្រឿងញៀនចំនួន ១១នាក់ទៀតត្រូវបានតំណាងអយ្យការសម្រេចបញ្ជូនទៅមណ្ឌលអប់រំកែប្រែឱកាសខ្ញុំ។
គួររំលឹកថា ក្រុមមុខសញ្ញាជួញដូរ និងប្រើប្រាស់គ្រឿងញៀន១២នាក់ខាងលើត្រូវបាន កម្លាំងកងរាជអាអាវុធហត្ថរាជធានីភ្នំពេញ ធ្វើការស្រាវជ្រាវ និងបង្ក្រាប កាលពី ថ្ងៃទី០១ ខែមេសា ឆ្នាំ២០១៦ នៅលើផ្លូវវេងស្រេង ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ និងភូមិត្រពាំងឈូកសង្កាត់ទឹកថ្លា ខណ្ឌសែនសុខ ដោយកម្លាំងអាវុធហត្ថខណ្ឌមានជ័យ សហការជាមួយការិយាល័យប្រឆាំងគ្រឿងញៀនកងរាជអាវុធហត្ថរាជធានីភ្នំពេញ ក្នុងការបង្ក្រាបនោះដែរសមត្ថកិច្ចជំនាញកងរាជអាវុធហត្ថរាជធានីភ្នំពេញបានដកហូតបាបគ្រឿងញៀនជាក់សែ្តងបានចំនួន១០កញ្ចប់ និងដបសម្រាប់ជប់គ្រឿងញៀនមួយចំនួនធំ៕
មតិយោបល់