ត្បូងឃ្មុំ ៖ បុរសម្នាក់ ស្លាប់ ភ្លាមៗនៅកន្លែងកើតហេតុ ចំណែកឯប្រពន្ធត្រូវរងរបួសធ្ងន់ ក្រោយពីជួបគ្រោះថ្នាក់ចរាចរណ៍ ដែលបង្ក
ឡើងដោយជិះម៉ូតូដួលខ្លួនឯង កាលពីម៉ោង១ រំលងអាធ្រាត្រ ឈានចូល ថ្ងៃទី៥ ខែមេសា ឆ្នាំ២០១៦ នៅលើខ្នងព្រែកជីក ស្ថិតក្នុង
ភូមិជាំធ្លក ឃុំពពេល ស្រុកពញាក្រែក ខេត្តត្បូងឃ្មុំ។
មន្ត្រីនគរបាលចរាចរណ៍បានឲ្យដឹងថា ជនរងគ្រោះ ឈ្មោះផល ភាព អាយុ២២ឆ្នាំ មានទីលំនៅក្នុងភូមិកើតហេតុខាងលើ ជាអ្នក
បើកបរម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខកំពង់ស្ពឺ 1C-6255 ជិះដឹកប្រពន្ធ ឈ្មោះឡាយ ថារី អាយុ១៨ឆ្នាំ ដែល
រងរបួសធ្ងន់ ត្រូវបានគេបញ្ជូនទៅសង្គ្រោះនៅមន្ទីរពេទ្យ។
សមត្ថកិច្ចបានសន្និដ្ឋានថា បណ្ដាលមកពីអ្នកបើកបរម៉ូតូស្រវឹងស្រា ហើយបានប្រើប្រាស់ល្បឿនលឿនទៀតផង។
ក្រោយពីកើតហេតុ កម្លាំងជំនាញនគរបាលចរាចរណ៍ ស្រុកពញាក្រែក បានចុះទៅកន្លែងកើតហេតុ ជួយអន្តរាគមន៍បញ្ជូនអ្នករងរបួស
ទៅកាន់មន្ទីរពេទ្យ និងប្រគល់សាកសពជនរងគ្រោះឲ្យសាច់ញាតិយកទៅធ្វើបុណ្យតាមប្រពៃណីផងដែរ៕
មតិយោបល់