(ភ្នំពេញ) ៖ អនុសាខាកាកបាទក្រហមកម្ពុជាខណ្ឌជ្រោយចង្វារ ដឹកនាំអំណោយ របស់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន
ប្រធានកាកបាទក្រហមកម្ពុជា តាមរយៈគណៈកម្មាធិការអនុសាខា កាកបាទក្រហមកម្ពុជាខណ្ឌជ្រោយចង្វារ
បាននាំយកអំណោយជូនដល់ប្រជាពលរដ្ឋក្រីក្រ ចាស់ជរាគ្មានទីពឹងសរុបចំនួន ៣៥គ្រួសារ ដែលស្ថិតនៅសង្កាត់ព្រែកលៀប
ខណ្ឌជ្រោយចង្វារ កាលពីរសៀលថ្ងៃទី៥ ខែមេសា ឆ្នាំ២០១៦។
ក្នុងពិធីនេះ បានរៀបចំធ្វើឡើងនៅវត្តសាមវ៉ារិន្ទ ដែលស្ថិតនៅក្នុងសង្កាត់ព្រែកលៀប ក្រោមការអញ្ជើញចូលរួមពីលោក ឃ្លាំង
ហួតអភិបានខណ្ឌជ្រោយចង្វារ និងជាប្រធានកិត្តិយសអនុសាខា កាកបាទក្រហមខណ្ឌ លោក ប្រាក់ ចាន់ណា
ប្រធានក្រុមប្រឹក្សាខណ្ឌ លោកស្រី កែវច័ន្ទ ស៊ុនណារី ប្រធានអនុសាខា កាកបាទក្រហមកម្ពុជាខណ្ឌជ្រោយចង្វារ លោក ឡេង រ៉ាវង្ស
និងលោក ធិងិ អនុប្រធានកិត្តិយសអនុសាខាកាកបាទក្រហមខណ្ឌ និងក្រុមការងារជាច្រើនរូបទៀត។
ក្នុងឱកាសនោះ លោក ឃ្លាំង ហួត បានមានប្រសាសន៍សំណេះសំណាល សាកសួរសុខទុក្ខ
និងផ្តាំផ្ញើសួរសុខទុក្ខពីសំណាក់ថ្នាក់ដឹកនាំជាពិសេស សម្តេចតេជោ និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា
ដែលលោកតែងតែយកចិត្តទុកដាក់គិតគូពីសេចក្តីសុខទុក្ខរបស់បងប្អូនប្រជាពលរដ្ឋយើងដោយមិនប្រកាន់នូវនិន្នាការនយោបាយអ្វី
ឡើយ បើទោះបីបងប្អូននៅបក្សណាក៏ដោយ គឺពួកគាត់យល់ពីការលំបាករបស់បងប្អូន លោកនឹងជួយឧបត្ថម្ភទាំងអស់។
លោកបានបន្តទៀតថា អំណោយដែលយកមកចែកជូនទាំងនោះ មិនពាក់ពន្ធ័នឹងនយោបាយនោះទេ
គឺជាអំណោយសប្បុរសធម៌សុទ្ធសាត ហើយសម្តេចកិត្តិព្រឹទ្ធបណ្ឌិតបានគិតគូដល់បងប្អូនក្រីក្រងាយរងគ្រោះនៅទូទាំងប្រទេស។
អំណោយដែលយកមកចែកជូននាឱកាសនោះ រួមមាននូវគ្រឿងឧបភោគ បរិភោគ
និងថវិការដោយក្នុងមួយគ្រួសារៗបានទទួលអង្ករចំនួន ៣០គីឡូក្រាម មី ១កេស ត្រីខ ១យួរ ឃីត១ (មុង១ ភួយ១ សារ៉ុង១ ក្រម៉ា១)
និងថវិកាចំនួន៥ម៉ឺនរៀល។ ដោយព្រះចៅអធិការវត្តវ៉ារិន្ទ បានឧបត្ថម្ភអង្ករ ១៥គីឡូក្រាម មី ១០កញ្ចប់ ទឹកត្រី ១ដប ទឹកស៊ីអ៊ីវ ១ដប និងថវិការ ១ម៉ឺនរៀល៕
មតិយោបល់