កំពង់ស្ពឺៈ គិតមកត្រឹម១២ និង១៤នាទី រសៀលនេះ អគ្គិភ័យនៅតែបន្តឆាបឆេះរោងចក្រកាត់ដេរនៅឡើយបន្ទាប់ពីរោងចក្រដ៏ថ្មីស្រឡាងមួយនេះ ត្រូវបានឆាបឆក់យកអស់រយៈពេលជិត១ម៉ោង ពោលគឺតាំងពីម៉ោងជាង១១ព្រឹកនៅក្នុងភូមិក្រាំង នៅស្រុកសំរោងទង ខេត្តកំពង់ស្ពឺ។

មេបញ្ជាការមូលដ្ឋានកងរាជអាវុធស្រុកសំរោងទង លោក វិន លេងហួង បានប្រាប់ Post News នៅមុននេះបន្តិចថា គិតត្រឹមជាង១២នេះ រោងចក្រកាត់ដេរ សំលៀកបំពាក់ ញូ បេស គ្លូប៊ល ថេកស្តាយ ត្រូវបានអគ្គិភ័យឆាបឆេះ៥០% ហើយ ខណៈនៅតំបន់នោះមានត្រឹមតែរថយន្តពន្លត់អគ្គិភ័យតែមួយគ្រឿង។

ប៉ុន្តែលោកបញ្ជាក់ថា ពេលនេះមានរថយន្តពីរាជធានីភ្នំពេញចេញមកជួយអន្តរាគមន៍ហើយ ប៉ុន្តែអំណាចអគ្គិភ័យនៅបន្តឆាបឆេះ ហាក់មិនទាន់ថមថយ។

លោកបញ្ជាក់ថា នៅក្នុងហេតុការណ៍អគ្គិភ័យនេះមិនមានមនុស្សណាម្នាក់រងគ្រោះនោះទេ ហើយមូលហេតុសមត្ថកិច្ចក៏ទាន់អាចបញ្ជាក់បានដែរ៕

https://youtu.be/hGc4yOui4-w